झापामा पोखरीमा डुबेर एक किशोरीको ज्यान गएको छ । मेचीनगर नगरपालिका– ९ मा निर्माणाधीन पोखरीमा डुबेर १५ वर्षीय प्रनिल प्रसाईंको मृत्यु भएको हो ।

मागुरमाडी सामुदायिक वन उपभोक्ता समूह बिट नंं १ ले बनाउँदै गरेको पोखरीमा पौडने क्रममा उनको शनिबार दिउँसो मृत्यु भएको इलाका प्रहरी कार्यालय धुलाबारीले जानकारी दिएको छ । प्रहरी टोलीले शव पोखरीबाट बाहिर निकालेको थियो । मृतकका बुवा भानु प्रसाईं मेचीनगर नगरपालिकाका पूर्वनगर प्रहरी रहेको बताइएको छ ।

निर्मार्णाधीन पोखरीमा वन समितिले पौडी खेल्न प्रतिबन्ध लगाए पनि बालबालिकाले हेरालुलाई छल्ने गरेको बताइएको छ ।

प्रकाशित समय : २०:२२ बजे