काठमाडौं– दशैंलाई लक्षित गर्दै टीभीएस नेपालले विशेष चाडपर्व योजना ‘टीभीएस गोल्डेन की’ सार्वजनिक गरेको छ । नेपालका लागि टीभीएसका आधिकारिक वितरक जगदम्बा मोटर्स प्रालिले ल्याएको योजनामा ग्राहकले मोटरसाइकल वा स्कुटर खरिद गर्दा निश्चित पुरस्कार प्राप्त गर्ने व्यवस्था गरिएको छ ।

योजनाअन्तर्गत टीभीएसका कुनै पनि मोटरसाइकल वा स्कुटर खरिद गर्ने ग्राहकले १० लाख रुपैयाँसम्म नगद छुट, गोल्ड की वा खरिद मूल्यको शतप्रतिशतसम्म क्यासब्याक मध्ये कुनै एक निश्चित पुरस्कार पाउने कम्पनीले जनाएको छ ।

यस योजनाको अर्को आकर्षण दैनिक लक्की ड्र रहेको छ। दैनिक दुई जना ग्राहकले पाँच वर्षसम्म निःशुल्क सर्भिस प्राप्त गर्ने अवसर पाउनेछन् । दशैंको अवसरमा नयाँ दुईपांग्रे सवारीसाधन खरिद गर्न चाहने ग्राहकलाई सहज बनाउन कम्पनीले सहज फाइनान्स सुविधा समेत उपलब्ध गराउने जनाएको छ। फाइनान्स सुविधा सम्बन्धित नियम तथा सर्तअनुसार लागू हुनेछ ।

योजना सार्वजनिक गर्दै जगदम्बा मोटर्सका उपाध्यक्ष दीपक रौनियारले दशैंलाई ग्राहकका लागि थप विशेष बनाउन योजना ल्याइएको बताए ।

उनका अनुसार प्रत्येक ग्राहकले निश्चित पुरस्कार पाउने भएकाले योजनाले टीभीएसको नयाँ सवारीसाधन खरिद गर्ने अनुभवलाई थप आकर्षक बनाउनेछ । त्यस्तै, कम्पनीका कार्यकारी निर्देशक अखिल गुप्ताले ग्राहकलाई थप मूल्य र सुविधा प्रदान गर्ने उद्देश्यले योजना ल्याइएको बताए ।

उनका अनुसार निश्चित पुरस्कार, दैनिक लक्की ड्र र सहज फाइनान्स सुविधाले टीभीएसका सवारीसाधन खरिदलाई थप सहज र लाभदायी बनाउनेछ । जगदम्बा मोटर्सले नेपालभर रहेको आफ्नो बिक्री तथा बिक्रीपछिको सेवा सञ्जालमार्फत टीभीएसका सवारीसाधन उपलब्ध गराउँदै आएको छ । टीभीएस गोल्डेन की योजना तथा विस्तृत नियम र सर्तका लागि टीभीएस नेपालको आधिकारिक वेबसाइटमा जानकारी लिन सकिनेछ ।