आज विक्रम संवत् २०८३ साउन ४ गते सोमबार (२० जुलाई २०२६) हो। चन्द्रमा कन्या राशिमा र सूर्य कर्कट राशिमा रहेका छन्। आज महत्वपूर्ण कामको सुरुआत वा शुभ यात्राका लागि बिहान ६:०८ देखि ९:१३ बजेसम्मको समय शुभ मानिएको छ। दही खाएर यात्रा सुरु गर्दा शुभ फल प्राप्त हुने विश्वास छ।

मेष (चु, चे, चो, ला, लि, लु, ले, लो, अ)

बुद्धि र मिहिनेतले सफलता दिलाउने दिन छ। अध्ययन, व्यक्तित्व विकास र नयाँ अवसर प्राप्त हुन सक्छ। साथीभाइसँग सम्बन्ध अझ बलियो बन्नेछ। पारिवारिक विषयले केही भावुक बनाउन सक्छ।

वृष (इ, उ, ए, ओ, बा, बि, बु, बे, बो)

साझेदारीका काममा व्यस्तता बढ्नेछ। खर्च बढे पनि आर्थिक सन्तुलन कायम रहनेछ। गोप्य कुरा सार्वजनिक हुन सक्ने भएकाले सावधानी अपनाउनुहोस्। परिवारसँग खुलेर कुरा गर्दा समस्या समाधान हुन सक्छ।

मिथुन (का, कि, कु, घ, ङ, छ, के, को, ह)

नयाँ योजना सुरु गर्न अनुकूल दिन छ। रोकिएका काम अघि बढ्नेछन्। सहकर्मीको सहयोग मिल्नेछ। सामाजिक गतिविधिमा व्यस्त हुँदा प्रेम सम्बन्धमा समय अभाव हुन सक्छ।

कर्कट (हि, हु, हे, हो, डा, डि, डु, डे, डो)

बोलीमा संयम आवश्यक छ। सानो विवाद ठूलो बन्न सक्छ। आम्दानीमा सुधार आउनेछ र कार्यक्षेत्रमा प्रशंसा पाइने सम्भावना छ। नम्र व्यवहारले थप लाभ दिलाउनेछ।

सिंह (मा, मि, मु, मे, मो, टा, टि, टु, टे)

आत्मविश्वास बढ्नेछ। रोकिएका काम पूरा हुनेछन् र नयाँ जिम्मेवारी प्राप्त हुन सक्छ। सफलता मिल्ने दिन भए पनि घमण्ड र रिसबाट टाढा रहनु राम्रो हुनेछ।

कन्या (टो, प, पि, पु, ष, ण, ठ, पे, पो)

खर्च बढ्ने संकेत छ। वैदेशिक क्षेत्रसँग सम्बन्धित काममा लाभ मिल्न सक्छ। महत्वाकांक्षा नियन्त्रणमा राख्नुहोस्। सम्बन्धमा पार्टनरको भावना बुझ्ने प्रयास गर्नु आवश्यक छ।

तुला (र, रि, रु, रे, रो, ता, ति, तु, ते)

व्यवसायमा प्रगति हुनेछ। रोकिएका काम पूरा हुनेछन्। जिम्मेवारी बढे पनि परिणाम सकारात्मक रहनेछ। विदेश अध्ययन वा यात्राको तयारी गरिरहनुभएकाले अनुभवी व्यक्तिको सल्लाह उपयोगी हुनेछ।

वृश्चिक (तो, ना, नि, नु, ने, नो, या, यि, यु)

वरिष्ठ व्यक्तिको साथ र सहयोग मिल्नेछ। आम्दानी बढ्ने संकेत छ। पेशागत क्षेत्रमा उपलब्धि हासिल हुनेछ। नयाँ योजना र सिर्जनात्मक कामका लागि दिन राम्रो छ।

धनु (ये, यो, भ, भि, भु, ध, फा, ढ, भे)

मन प्रसन्न रहनेछ। भेटघाट र सामाजिक सम्बन्ध विस्तार हुनेछ। कला, साहित्य र अध्यात्मप्रति आकर्षण बढ्नेछ। लगानीका विषयमा सोचविचार गरेर निर्णय लिनु राम्रो हुन्छ।

मकर (भो, ज, जि, खि, खु, खे, खो, गा, गि)

सामान्य काममै समय बित्न सक्छ। आगो, धारिलो सामान वा सवारी साधन प्रयोग गर्दा सावधानी अपनाउनुहोस्। जोखिमपूर्ण लगानी नगर्नु नै बुद्धिमानी हुनेछ।

कुम्भ (गु, गे, गो, सा, सि, सु, से, सो, द)

दाम्पत्य जीवन सुखद रहनेछ। कला र सिर्जनात्मक क्षेत्रमा रुचि बढ्नेछ। कल्पनाभन्दा व्यवहारमा केन्द्रित भए सफलता प्राप्त हुनेछ। अधुरा काम पूरा गर्ने प्रयास गर्नुहोस्।

मीन (दि, दु, थ, झ, ञ, दे, दो, च, चि)

परिवारबाट शुभ समाचार प्राप्त हुन सक्छ। प्रतिस्पर्धात्मक काममा सफलता मिल्नेछ। मेहनतको उचित प्रतिफल प्राप्त हुनेछ। अनावश्यक बहस र हतारबाट भने बच्नु राम्रो हुनेछ।

प्रकाशित समय : ०५:२७ बजे