काठमाडौं । सांसद डा. लेखजंग थापाले गौतमबुद्ध अन्तर्राष्ट्रिय विमानस्थल सञ्चालन र व्यवस्थापनप्रति गम्भीर प्रश्न उठाएका छन् ।

आज बसेको प्रतिनिधिसभा बैठकको शून्य समयमा बोल्दै ठूलो राष्ट्रिय लगानी हुँदाहुँदै पनि विमानस्थल अपेक्षित रूपमा सञ्चालन हुन नसकेको बताए ।

उनले विमानस्थल पूर्वाधारतर्फ करिब १० अर्ब रुपैयाँ लगानी भएको र २३ अर्ब रुपैयाँ बराबरको जग्गा उपलब्ध गराइएको उल्लेख गर्दै यति ठूलो राष्ट्रिय लगानी हुँदाहुँदै पनि विमानस्थल अपेक्षित रूपमा सञ्चालन हुन नसकेको बताए ।

उनले भने ‘गौतमबुद्ध इन्टरनेस्नल एर्पोट पुर्वधार तर्फ १० अर्बको क्यापेट यसमा २३ अर्बको जग्गाको दिइसको छौँ । यति मात्र नभएर सयौँ घरहरूले राष्ट्रिलाई विस्वास गरेर सरकारलाई सुम्पिएको सम्पत्ति आज राम्रोसँग चलाउन नपाउँदा यो वाइट एलिफेन्टको रूपमा परिनत भएको छ । कानुनी र नैतिक दुवै दृष्टिले गलत भएको छ ।’

सांसद थापाले सयौँ स्थानीय परिवारहरूले राष्ट्रको विकासमा विश्वास गरेर आफ्नो सम्पत्ति सरकारलाई सुम्पिएको स्मरण गराउँदै हाल विमानस्थल “ह्वाइट एलिफेन्ट” को अवस्थामा पुगेको टिप्पणी गरे । उनले यस्तो अवस्था कानुनी र नैतिक दुवै दृष्टिले गलत भएको बताए ।

प्रकाशित समय : १४:३५ बजे