काठमाडौं । ‘श्रमको सम्मान, राष्ट्रको अभियान’ भन्ने मूल नाराका साथ आज रौतहटको चन्द्रनिगाहपुरमा १३७औँ अन्तर्राष्ट्रिय मजदुर दिवस मनाइएको छ ।

चन्द्रपुर नगरपालिका नगर कार्यपालिकाको आयोजना तथा चन्द्रपुरई रिक्सा सङ्घ लगायत विभिन्न मजदुर सङ्गठनहरूको समन्वयमा कार्यक्रम सम्पन्न भएको हो ।

मजदुर दिवसको अवसरमा बिहान चन्द्रनिगाहपुर बजारदेखि लोकतान्त्रिक चोकसम्म प्रभात फेरि निकालिएको थियो ।

सबैका लागि सामाजिक न्याय र मर्यादित कामू भन्ने नारा घन्काउँदै निकालिएको उक्त ¥यालीमास्स्थानीय जनप्रतिनिधि, सुरक्षाकर्मीहरू, विभिन्न सङ्घ-संस्थाका प्रतिनिधिहरू र मजदुरहरूको उपस्थिति रहेको थियो ।

कार्यक्रममा बोल्दै चन्द्रपुरका समाजसेवी वसन्त आचार्यले दिवस मनाउने शैली र मजदुरको वास्तविक अवस्थाप्रति गम्भीर प्रश्न उठाए । उनले भने ‘आज विश्वभर यो दिवस मनाइरहँदा रातदिन पसिना बगाउने मजदुरहरूको श्रमको उचित मूल्याङ्कन भएको छ तरु हामी हरेक वर्ष नारा त तय गर्छौँ, तर अघिल्लो वर्षको नाराले कति सार्थकता पायो र कति उपलब्धि भयो भन्ने मूल्याङ्कन हुन जरुरी छ ।’

आचार्यले थप प्रस्ट पार्दै भने, ‘एउटा मजदुर बिहानदेखि बेलुकासम्म खटिँदा पनि आफ्नो परिवारको लागि दुई छाक जुटाउन मुस्किल पर्छ भने उसको मेहनतमा न्याय भएको मान्न सकिँदैन । यसप्रति सरोकारवाला निकायको ध्यान जानु जरुरी छ ।’

कार्यक्रममा सहभागी वक्ताहरूले मजदुरहरूको हकहित, सुरक्षा र उचित पारिश्रमिकको ग्यारेन्टी गर्न माग गरे । औपचारिक कार्यक्रममा मात्र सीमित नभई मजदुरको जीवनस्तरमा परिवर्तन आउने गरी काम गर्न स्थानीय सरकार र सम्बन्धित संघसंस्थालाई आग्रह गरिएको छ ।

प्रकाशित समय : १२:२६ बजे