काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

नेपाल पे नेशनल कार्ड अब विदेशमा पनि स्वीकार्य

2.86K
shares

नेपाल क्लियरिङ्ग हाउस लिमिटेड (एनसीएचएल)ले डिस्कभर नेटवर्कसँगको सहकार्यमा नेपालको राष्ट्रिय कार्ड योजना नेपाल पे नेशनल कार्डको व्यावसायिक सञ्चालन (कमर्शियल रोलआउट) सुरु भएको घोषणा गरेको छ । यससँगै नेपाल पे कार्ड अब स्वदेश मात्र नभई विदेशमा पनि प्रयोग गर्न सकिने भएको छ ।

राष्ट्रिय भुक्तानी स्विच परियोजनाअन्तर्गत राष्ट्रिय कार्ड स्विच र नेपाल पे कार्ड योजना पूर्ण रूपमा सञ्चालनमा ल्याइएको हो । यस प्रणालीमार्फत बैंक तथा वित्तीय संस्था, भुक्तानी सेवा प्रदायक तथा भुक्तानी प्रणाली सञ्चालकहरूले जारी गर्ने नेपाल पे कार्डहरू नेपालभरिका स्वचालित टेलर मेसिन (एटीएम) र बिक्री केन्द्र (पीओएस)मा मात्र नभई विश्वव्यापी रूपमा प्रयोग गर्न सकिने व्यवस्था गरिएको छ ।

यस सहकार्यपछि नेपाल पे कार्ड प्रयोगकर्ताहरूले डिस्कभर नेटवर्क र यसको अन्तर्राष्ट्रिय सहकार्य सञ्जालमार्फत विश्वभरका १९० भन्दा बढी देश तथा क्षेत्रहरूमा कार्ड प्रयोग गर्न सक्नेछन् ।

त्यसैगरी, नेपालका व्यापारीले ३० भन्दा बढी अन्तर्राष्ट्रिय नेटवर्क एलायन्स तथा विश्वभर रहेका ३७ करोड ८० लाखभन्दा बढी कार्डधारकबाट भुक्तानी प्राप्त गर्न सक्नेछन् ।

हालसम्म ३४ भन्दा बढी बैंक तथा वित्तीय संस्थाहरूले राष्ट्रिय कार्ड स्विच र नेपाल पे कार्ड योजनाको प्रधान सदस्यताका लागि सम्झौता गरिसकेका छन् भने अन्य संस्थाहरू पनि क्रमशः आबद्ध हुँदै गइरहेका छन् ।

राष्ट्रिय कार्ड स्विचमा कार्ड कारोबारको अन्तरआवद्धता, मार्गनिर्देशन (राउटिङ), भुक्तानी फछ्र्यौट (सेटलमेन्ट), विवाद व्यवस्थापन तथा एकीकृत प्रतिवेदन प्रणालीजस्ता विशेषता समावेश छन् ।

राष्ट्रिय भुक्तानी स्विच परियोजनाअन्तर्गत राष्ट्रिय भुक्तानी स्विच र रियल टाइम ग्रस सेटलमेन्ट प्रणाली सन् २०२१ नोभेम्बरदेखि नै सञ्चालनमा छन् ।