काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

चौरासी कोष परिक्रमा यात्रा टोली जनकपुरधाम आउँदै

2.69K
shares

जनकपुर । हरिहरक्षेत्र मिथिला चौरासी कोष संकिर्तन परिक्रमा टोली जनकपुरधाम आउने भएको छ ।
जनकपुरधामस्थित जानकी मन्दिरमा पत्रकारसम्मेलन गर्दै जानकी मन्दिरुका छोटे महन्त राम रोशन दासले उक्त परिक्रमा टोली जनकपुरधाम आउने पक्का भएको जानकारी दिए ।

महन्त दासका अनुसार कार्तिक २९ गतेदेखि सुरु हुने पाँच दिवसीय संकिर्तन परिक्रमा प्राचिन मिथिलाको राजधानी जनकपुरधाममा पनि आउने भएको छ । भारतको बिहारको हाजीपुर स्थित हरिहर क्षेत्रबाट शुरु हुने लागेको संकिर्तन परिक्रमा सोही दिन जनकपुरधाम आइपुग्नेछ ।
शनिबार दिउँसो दुई बजे महोत्तरीको भारतसँग जोडिएको सिमाना भिठ्ठामोड आइपुग्ने र त्याहाँ भव्य स्वागत गरिने महन्त दासले बताए ।

त्यहाँबाट जानकी मन्दिरको अगुवाइमा साधुसन्तहरुको टोलीले उनलाई स्वागत गर्दै जनकपुरधाम ल्याउनेछ । परिक्रमामा सहभागीलाई जानकी मन्दिर तथा नागरिक समाजद्वारा भव्य स्वागत गरी नगरदर्शन गराउने लगायतका कार्यक्रमहरु रहेको महन्थ दासले जनाएका छन् । उनका अनुसार नगर दर्शनपछि साँझपख दीप प्रज्वलन, सांस्कृतिक कार्यक्रम लगायतका विभिन्न कार्यक्रमहरु आयोजना गरिनेछ ।

जनकपुरधामपछि ती परिक्रमा टोली भारत बिहारको दरभंगा, अहिल्यास्थान, पातरपुर, सिमरिया र विशौल हुँदै पुनः हाजीपुर पुगेर एक दिने विभिन्न कार्यक्रम आयोजना गरी सम्पन्न हुने छ । सो परिक्रमा टोली नेपाल भारत मिथिला क्षेत्रका ७ सयभन्दा बढी साधुसन्त, धर्मगुरु सहित श्रद्धालु भक्तजनहरुको सहभागिता रहनेछ ।

जनकपुरधामबाट समेत परिक्रमा टोलीमा साधुसन्त र श्रद्धालुहरु सहभागी हुन चाहेमा जानकी मन्दिर र विश्वहिन्दु परिषदद्वारा व्यवस्थापन गर्न सकिने महन्त दासले बताए ।