आमसञ्चार ऐन निर्माणमा सरकारको ढिलाइ, पत्रकारिता क्षेत्र थप संकटमा : तारानाथ दाहाल
अनलाइन व्यवसाय दर्ता गर्न वाणिज्य विभागको आग्रह
वि.सं.२०८२ असार १८ बुधवार २०:००
3.07K
shares
shares
वाणिज्य, आपूर्ति तथा उपभोक्ता संरक्षण विभागले अनलाइन व्यवसाय दर्ता गर्न आग्रह गरेको छ ।
विभागले बुधबार सार्वजनिक सूचना जारी गर्दै विद्युतीय माध्यमबाट सामान वा सेवाको कारोबार गर्ने व्यवसायीहरूलाई आफ्नो व्यवसाय अनिवार्य रूपमा दर्ता गर्न आग्रह गरेको हो ।
हालसम्म अनलाइनबाट व्यापार गर्नेहरूका लागि कानुनी व्यवस्था गरिएको छैन । सरकारले सूचना प्रविधिको प्रयोग गरेर हुने किनबेचलाई नियमन गर्न र उपभोक्ताको हित सुरक्षित राख्नका लागि सरकारले वैशाख २ गतेदेखि ‘विद्युतीय व्यापार (इ–कमर्स) ऐन २०८१’ लागु गरेको छ ।
सोहीअनुसार विभागले अनलाइन व्यापार गरिरहेका व्यवसायी र नयाँ व्यवसाय गर्न चाहनेहरुले आगामी साउन २ गतेभित्र विभागको विद्युतीय व्यापार पोर्टलमा सूचीकृत हुनु पर्ने विभागले जनाएको छ ।
