सिटिजन लाइफ इन्स्योरेन्स कम्पनी लिमिटेड सम्मानित भएको छ ।​​​​ एचआरएम नेपालद्वारा आयोजित अवार्ड फर कर्पोरेट एक्सिलेन्स २०२४ को लाइफ इन्स्योरेन्स विधामा कर्पोरेट एक्सिलेन्स अवार्डबाट इन्स्योरेन्स कम्पनी सम्मानित भएको हो ।

अवार्डको लागि मनोनीत लाइफ इन्स्योरेन्स कम्पनी मध्येबाट सिटिजनले यो अवार्ड प्राप्त गरेको हो । नेपाली बीमा कम्पनीहरूको वित्तीय विवरण, सूचांकहरू, सुशासन आदि अध्ययनको आधारमा सिटिजन लाइफ इन्स्योरेन्स कम्पनी उत्कृष्ट कम्पनीको रुपमा पुरस्कृत भएको हो ।

मङ्गलबार आयोजित भव्य समारोहका बीच सिटिजन लाइफ इन्स्योरेन्सका प्रमुख कार्यकारी अधिकृत पोषकराज पौडेलका साथै नायब प्रमुख कार्यकारी अधिकृत दीपबहादुर बीसीले उक्त अवार्ड ग्रहण गरेका हुन् । सिटिजन लाइफले नेपालमा बीमाको दिगो विकास रणनीति तथा बीमाको पहुँच वृद्धिका लागि जनस्तरमा पुगेर बीमा सेवा सञ्चालन गर्दै आइरहेको छ ।

प्रकाशित समय : १२:४५ बजे