शाओमीले आफ्नो नयाँ स्मार्टफोन शाओमी १४ टी नेपालमा सार्वजनिक गरेको छ । लाइकासँगको सहकार्यमा बनाइएको यो स्मार्टफोनले अत्याधुनिक फोटोग्राफी अनुभव र उत्कृष्ट प्रदर्शनको सुनिश्चितता दिने बताइएको छ ।

शाओमी १४ टी मा मिडियाटेक डाइमेन्सिटी ८३०० अल्ट्रा प्रोसेसर, १४४ हर्ज एमोलेड डिस्प्ले र एआई फिचरहरूको साथमा उच्च प्रदर्शनको सुविधा रहेको छ ।

यस्तो छ, विशेषताहरू

लाइकासँगको सहकार्यमा तयार गरिएको ५० मेगापिक्सेल मुख्य क्यामेरा, १२ मेगापिक्सेल अल्ट्रा–वाइड क्यामेरा र ५० मेगापिक्सेल टेलिफोटो लेन्स सहितको ट्रिपल क्यामेरा प्रणालीमा शाओमी प्रोफोकस र ६० एफपीएस फोके भिडियो रेकर्डिङ पनि उपलब्ध छ ।

मूल्य र उपलब्धता

शाओमी १४ टि टाइटन ब्ल्याक, टाइटन ग्रे र टाइटन ब्लु कलर भेरियन्टमा १२ जीबी: ५१२ जीबी अप्सनमा उपलब्ध हुनेछ र यसको मूल्य ६४,९९९ रुपैयाँ तोकिएको छ । ग्राहकहरूलाई प्रत्येक शाओमी १४ टि स्मार्टफोनको खरिदमा रेड्मी बड्स ६ लाइट निःशुल्क उपलब्ध हुनेछ ।

प्रकाशित समय : १८:०४ बजे