ई. कृष्णभक्त दुवालको जन्म भक्तपुरको थालाछे मा २०३६ साल चैत्र २२ गते भएको हो । उनको परिवारमा आमा, श्रीमती र छोरी छन् । उनको बुवाले जिविका पार्जनको लागि कृषि गर्नुहुन्थ्यो, विस्तारै परिवार कृषिबाट व्यापार व्यवसायमा लागेका थिए । उनले कक्षा १ देखि ५ सम्मको पढाई माउण्ट भ्याली स्कूलबाट गरेका थिए ।

उनले कक्षा ५ देखि १० सम्मको पढाई सिद्धार्थ वनस्थली स्कूलबाट गरे, त्यसपछि, उनले प्लस टु भिएस निकेतनबाट, ब्याचलर काठमाडौ इन्जिनियरिङ्ग कलेजबाट, एम.इ पुलचोक कलेजबाट, एम.बिए इन्दिरा गान्धी नेशनल ओपन युनिभसिटिबाट र हाल पिएचडी कुहान युनिभसिटि अफ टेक्नोलोजि चाइनाबाट गरिरहेका छन् ।

उनले एसएलसी सकेर स्कूल लेभलमा पढाउन थाले । उनले बिइ सकेर नेपाल इन्जिनियरिङ्ग कलेजमा पढाउन थाले त्यसपछि, उनले सोलार ब्याट्रिको इम्पोर्ट गरेका थिए । त्यसपछि उनले गोर्खा इको प्यानलमा प्रमुख कार्यकारी अधिकृतको रुपमा काम गर्न थाले । उनले सन् २०१४ देखि २०२० सम्म गोर्खा इको प्यानलमा काम गरेका थिए ।

गोर्खा इको प्यानलको दुईतिर सिमेन्ट बोर्ड, भित्र बालुवा, सिमेन्ट र थर्मकोल हुन्छ । भित्री भागमा रहने बालुवा, सिमेन्ट र थर्मकोल मिसाउने विशेष प्रकारको केमिकल्स हुन्छ । प्यानल दुई फिट बाई आठ फिटको हुन्छ । गोर्खा इको प्यानलमा बहराइनबाट विदेशी लगानी ल्याएर स्थापना भएको इन्टरनेशनल ग्रिन डेभलपमेन्ट कम्पनी स्थापना गरी नेपालमा पहिलो पटक इको प्यानलको उत्पादनहरु आएको छ ।

भक्तपुरको जगातीमा उद्योग छ भने इको प्यानलले ४० वटाभन्दा बढी जिल्लामा नेटवर्क स्थापना गर्न सफल भएको छ । अहिले उनले नेपाल इको प्यानल सुरु गरेका छन् । उनी नेपाल इको प्यानलमा प्रमुख कार्यकारी अधिकृतको रुपमा काम गरिरहेका छन् ।

नेपाल इको प्यानल

नेपाल इको प्यानल भनेको वैकल्पिक निर्माण सामग्री हो । जुन वातावरणमैत्री, हलुका र भूकम्प प्रतिरोधी हुन्छ । यसमा थर्मल इन्सुलेसन हुन्छ । बाहिर चिसोपन वा तातोपन भए पनि भित्र आउन दिँदैन । नेपाल इको प्यानल प्रा.लि नेपाल सरकारले दिने ट्रेडमार्क दर्ता प्रमाणपत्र प्राप्त गर्न सफल भएको छ । इको प्यानललाई नेपाल सरकार उद्योग, वाणिज्य तथा आपूर्ति मन्त्रालय, उद्योग विभाग त्रिपुरेश्वर काठमाडौबाट दिइने ट्रेडमार्क दर्ता प्रमाणपत्र प्राप्त भएको छ । पेटेन्ट डिजायन र ट्रेडमार्क ऐन, २०२२ को दफ १८ बमोजिम श्री इको प्यानल नेपाल प्रा.लि चाँंगुनारायण नगरपालिका वडा नं २ भक्तपुर नेपालले वर्ग १९ अन्तर्गत प्रमाणपत्र दिइएको उद्योग विभागको पत्रमा उल्लेख गरिएको छ । इको प्यानलका निर्माण सामाग्रीहरु देशैभरि विक्रीवितरण भएरहेको छ ।

नेपाल इको प्यानल स्थायी वा अस्थायी संरचनामा भित्री तथा वाहिरी पार्टेशन वालको रुपमा प्रयोग हुने आधुनिक निर्माण सामाग्री हो । पूर्व मेचीदेखि पश्चिम महाकालीसम्म डिलरहरुमार्फत यसले आफनो उत्पादन देशैभरि विक्रीवितरण गर्दै आएको छ । हलुका, भूकम्पप्रतिरोधी, तीव्र निर्माण सम्भव हुनलगायतका अनेक विशेषताले यो निर्माण सामाग्रीले लोकप्रियता कमाउँदै आएको छ ।

नेपाल इको प्यानलमा आयातित कच्चा पदार्थहरु बालुवा, सिमेन्ट नेपालबाट नै आयत हुन्छ । तर थर्मकोल, केमिकल र सिमेन्ट बोर्ड भने बाहिरबाटै आउँछ । सिमेन्ट बोर्ड भारतबाट र चीनबाट पनि ल्याउन सकिन्छ । स्वदेशी कच्चा पदार्थको प्रयोग ६० देखि ६५ प्रतिशत हुन्छ । स्वदेशी इको प्यानलमा टिकाउपन बढी छ । यसको उत्पादनमा ७० वर्षको वारेन्टी रहेको छ । स्ट्रक्चरल संरचना भएको कारणले यसलाई जुनसकै ठाउँमा प्रयोग गर्न सकिन्छ । यसलाई सिमेन्ट पिल्लर वा फलामको स्ट्रक्चर भएको ठाउँमा पनि प्रयोग गर्न सकिन्छ ।

किनभने यो इण्डियन प्रिफ्याब जस्तो कमजोर हुँदैन । भूकम्पपछि इण्डियन प्रिफ्याबका कारण प्रिफ्याबप्रति आशंका बढेको थियो । कंक्रिटसँग तुलना गर्ने हो, भने यो इँटाको वाल भन्दा १० देखि १५ प्रतिशत सस्तो पर्न जान्छ । यसमा प्लाष्टर गर्नुपर्दैन, निर्माण कार्य पनि छिटो हुन्छ । इँटाको वाल फिनिसिङमा छजना डकर्मी र छजना कामदार लाग्छ भने सोही प्रकृतिको इको प्यानलको वाल भने दुईजनाले गर्न सक्छ । अर्को फाइदा भनेको कोठाको स्पेस बढ्ने भयो । भत्काएर अर्को ठाउँमा पनि लैजान सकिन्छ ।

नेपाल इको प्यानलले थुप्रै पार्टी प्यालेस, हल, आर्मी क्वाटर, स–साना होटल, हस्पिटल, स्कुल आदिका निमार्ण गरेको छ । यसको प्रयोग कमलादीमा निर्माण भइरहेको स्काईवाक टावरमा पनि गरिएको छ । गत आर्थिक वर्ष २०७८/७९ मा नेपाल इको प्यानलबाट ४० वटा संरचनाहरू निर्माण भएको छ । चालू आर्थिक वर्षको अहिलेसम्म १५ वटा संरचनाहरू निर्माण भइसकेको छ । नयाँ संरचनाको कामहरू पनि अहिले विभिन्न ठाउँमा भइरहेको छ । इको प्यानल ५-६ वटा बिगमार्टमा प्रयोग भइसकेको छ । केही समय अगाडिदेखि कन्याममा सञ्चालन आएकोे स्काईवाक टावरको नजिकै कम्प्लेक्स बनिरहेको छ । सो कम्प्लेक्समा पनि प्यानलको प्रयोगबाट केही संचना बन्दै छन् ।

सफलताको सुत्र

जीवमा जहिले पनि सकारात्मक सोच राख्नुपर्छ । जीवनमा सधैं राम्रो काम गर्ने प्रयासरत हुनुपर्छ । यदि कसैले राम्रो काम गर्छ भने उसलाई सबैले प्रोत्साहन गर्छ । जीवनको कुनै पनि परिस्थितिमा हरेस खानु हुदैंन । जीवनमा जहिले पनि नयाँ काम गर्दै जानु पर्छ । मान्छेको उमेर बढ्दै जादाँ खेरि आफूलाई नयाँ कुरा, टेक्नोलोजि, म्यानेजमेण्टसँग लिङ्क गराउँदै जानुपर्छ । जसले गर्दा मानिसको उमेर आफैं लामो हुदैं जान्छ, साथै यसले गर्दा मानिसमा भएको पुरानो सोच नयाँ सोचमा परिवर्तन हुन्छ । समयको सदुपयोग सधै गरि राख्नुपर्छ । जीवनमा सधै आफूलाई व्यस्त राख्नुपर्छ । जसले काम गर्ने चाहन्छ, त्यस्तो मानिसलाई सहयोग गर्नुपर्छ ।

जीवन भनेको सुख र दुःखको मिश्रण हो । जीवनमा सधैं सुख पनि पाइदैंन र सधैं दुःख पनि पाइदैंन । त्यसैले जीवनमा इमानदार र लगनशील भएर काम गर्दै जानुपर्छ । जीवनमा जहिले पनि एउटा उद्देश्य राख्नुपर्छ, जसलाई पाउँनको लागि आफूले सक्दो मेहनत गर्नुपर्छ । जब सम्म उद्देश्यको प्राप्ति हुदैंन, त्यो बेला सम्म निरन्तर आफ्नो उद्देश्य प्राप्तिका लागि अघि बढ्दै जानुपर्छ ।

आफ्नो काम प्रति जहिले पनि इमान्दार हुनुपर्छ, मेहनत गनुपर्छ र नयाँ नयाँ अवसर खोजेर त्यसलाई प्रयोग गर्न सक्नुपर्छ । कुनै पनि काम गर्दा खेरि धेरै कुरा गर्नु भन्दा काम धेरै गर्नुपर्छ । कुनै पनि काम गर्दा खेरि त्यसमा निरन्तर रुपले गर्दै जानुपर्छ । जीवनमा जहिले पनि आफूलाई मन परेको पढाई र काम गर्नुपर्छ ।

यदि कुनै काम गर्दा खेरि तपाई त्यसमा रमाउँन सक्नु भयो भने त्यो काम नै तपाईको लागि बनेको हो, भन्ने कुरा बुभ्mनु पर्छ । जीवनमा कुनै पनि काम परिवारको वा साथी भाईको करमा गर्नु हुदैंन, आफुलाई जे ठिक लाग्छ त्यहि गर्नुपर्छ । त्यसो गरे भने जीवनमा सफलता पाउँन सकिन्छ । जीवनमा जहिले पनि नयाँ कुराको प्रयोग गर्ने जरुरी छ ।

जसले जीवनमा नयाँ कुराको प्रयोग गर्दैन, उसले जीवनमा कहिल्यै पनि सफलता पाउँन सक्दैन । नयाँ प्रयोगले मान्छेलाई एउटा नयाँ बाटो देखाउँने काम गरिरहेको हुन्छ । जीवनमा नयाँ प्रयोग गर्दा खेरि जहिले पनि सफलता मिल्दैन तर त्यसले मानिसको आत्मविश्वासलाई बढाउने काम गर्छ ।

 

 

प्रकाशित समय : १२:४१ बजे