गृहपृष्ठ भुटानविरुद्ध फाइनलमा पुग्ने नेपालको लक्ष्य
भुटानविरुद्ध फाइनलमा पुग्ने नेपालको लक्ष्य
माल्दिभ्समा जारी फाइभ नेसन्स बास्केटबल च्याम्पियनसिपमा नेपालले आज सेमिफाइनलमा भुटानसँग खेल्दैछ ।
लिग चरणको पहिलो खेलमै भुटानसँग पराजित भएको नेपालका लागि त्यो हारको बदला लिने अवसर छ । नेपाल र भुटानबीचको खेल नेपाली समय अनुसार राति सवा ९ बजे सुरु हुनेछ ।
भुटानसँग पराजित भए पनि नेपालले त्यसपछि लगातार तीन खेल जित्दै लिग चरणको शीर्ष स्थानमा रहेर सेमिफाइनलमा स्थान बनाएको छ । नेपालले ७ अंक जोड्दा भुटानले ६ अंक जोडेर चौथो भएको थियो ।
च्याम्पियनसिपमा लिग चरणमा नेपाल भुटानसँग ६१–५५ ले पराजित भएको थियो । तर त्यसपछि नेपालले पाकिस्तानलाई ६६–६२ ले हराएर पहिलो जित दर्ता गर्यो । तेस्रो खेलमा बंगलादेशलाई ९०–६१ को फराकिलो अन्तरले हराएको नेपालले लिगको अन्तिम खेलमा माल्दिभ्सलाई ७५–६८ ले पराजित गरेको थियो ।
प्रकाशित समय : ०७:३४ बजे
