अख्तियार दुरुपयोग अनुसन्धान आयोगमा आर्थिक वर्ष २०७९/८० को वैशाख मसान्तसम्म २२ हजार ३५५ उजुरी परेको छ । आयोगले सार्वजनिक गरेको तथ्याङ्क अनुसार १२ हजार ५९२ उजुरीमात्र फछ्र्याैट भएको छ ।

अर्थात कुल उजुरीको ५६ दशमलब ३३ प्रतिशत फछ्र्याैट भएको छ । विषेश अदालतबाट अख्तियारको विपक्षमा फैसला आएको भएपनि अख्तियारलाई चित्त नबुझेर जेठ मसान्त सम्ममा २३० वटा मुद्दा अख्तियारले सर्वोच्चमा पुनरावेदन गरेको छ ।

अख्तियारले चालु आर्थिक वर्षको जेठ मसान्त सम्ममा १३६ वटा मुद्दा दर्ता गरेको छ । जसमा घुस २४, नक्कली शैक्षिक प्रमाणपत्र ७, सार्वजनिक सम्पत्ति हानि नोक्सानी २५, गैरकानुनी सम्पत्ति आर्जन ९, गैरकानुनी लाभ वा हानि ५५, राजश्व चुहावट/हिनामिना ६ र विविध १० वटा मुद्दा रहेका छन् ।

अख्तियारले भ्रष्टाचार अनुसन्धान गर्दा देखिएका सम्मस्या समेत औल्याएको छ । जसमा भ्रष्टाचारका नयाँ प्रवृत्ति अनुरुप अनुसन्धानका लागि क्षमता अभिवृद्धि गर्नु, विज्ञ कर्मचारीहरुको पदपूर्ति र उत्प्रेरणा अभिवृद्धि गर्नु, नयाँ प्रविधि र उपकरणहरुको व्यवस्था गरी प्रमाणमुखी अनुसन्धान अघि बढाउनु, गुणस्तरीय सूचना र उजुरी प्राप्त गर्नु, आयोगका निर्णय र सुझाववहरुको कार्यान्वयन सुनिश्चित गर्नु र परिकक्क अनुसन्धान र अभियोजनालाई नियालेको छ ।

अख्तियारको प्रतिवद्धता

विकास निर्माणलाई सहयोग पुर्याउने ।
आयोजना निर्माणलाई सहयोग पुराउन गुणस्तरीय अनुगमन गर्ने ।
सार्वाजनि जग्गा हडप्ने, सरकारी बजेट हिनामिना गर्ने, राजश्व असुलीमा भ्रष्टाचार गर्ने, घुस लिनेलगायतको प्रवृतिको नियन्त्रण गर्ने ।
भ्रटाचार नियन्त्रण गर्न कानुनी व्यवस्थाका लागिग अग्रसरता लिने ।
अन्य नियमक निकायसँग सहयोग, सहकार्य गर्ने ।
आयोगका कामहरु निपश्क्ष, पारदर्शी, स्वतन्त्र र जिम्मेवारी पुर्वक गर्ने ।
कसैप्रति पूर्वाग्रह नराखरी भ्रटाचारको अनुसन्धान गर्ने ।
भ्रष्टाचार विरुद्ध शुन्य सहनशिलताको नीति अंगिकार गर्दै अनुसन्धान कार्य वैज्ञानिक र वस्तुनिष्ठ बनाउने ।