अनुशासन कडा बनाउने पहल गर्दै चिनियाँ कम्युनिष्ट पार्टी
भद्रगोल विकासको अन्त्य गर्दै व्यवस्थित विकासमा लाग्नुपर्छः प्रदीप पौडेल
वि.सं.२०८० जेठ ६ शनिवार १२:२२
7.33K
shares
shares
काठमाडौँमा एकीकृत विकास प्रणालीलाई अगाडि बढाउनुपर्ने नेपाली कांग्रेसका नेता प्रदीप पौडेलले बताएका छन् । आज जनकल्याण सामाजिक केन्द्रले आयोजना गरेको निःशुल्क स्वास्थ्य शिविर तथा वातावरण कार्यक्रममा बोल्दै उनले काठमाडौँभित्रको विकासका लागि एकीकृत विकास प्रणालीलाई अगाडि बढाउनुपर्ने बताएका हुन् ।
“काठमाडौँभित्रका सडकमा आवश्यक समन्वय नहुँदा भत्काउने र बनाउने क्रम चलेको छ, सबै निकायको आवश्यक समन्वय गरी एकीकृत विकास प्रणालीलाई अगाडि बढाउनुपर्छ”, उनले भने । काठमाडौँ क्षेत्र नं ५ का सांसद पौडेलले काठमाडौँ उपत्यकाभित्रको विकासका लागि सुविधासम्पन्न प्राधिकरण निर्माण गर्नुपर्ने बताएका छन् । काठमाडौँ संसारको प्रदूषित सहर बन्दै गएकाले यसलाई सफा, सुन्दर र हराभरा बनाउन नागरिक स्तरबाट लाग्नुपर्ने उनको भनाइ थियो ।
नेता पौडेलले खोला क्षेत्रको वरपर करिडोर निर्माण गरेर त्यहाँ वृक्षरोपण गर्न सकेमात्र काठमाडौँको वातावरण राम्रो हुने बताएका छन् ।
