नेप्सेमा ३८ अंकको गिरावट, सबै उपसूचक घट्यो
वि.सं.२०७९ असोज ४ मंगलवार १५:३९
shares

मंगलबार सेयर बजारमा दाेहाेराे अंककाे गिरावट आएकाे छ । आज सेयर बजार मापक नेप्से ३८.८१ अंकले घटेकाे हाे ।
नेप्सेमा सूचीकृत २३१ कम्पनीको ३८ लाख ५६ हजार ५३८ कित्ता सेयर किनबेच हुँदा १ अर्ब २२ करोड ९६ लाख रूपैयाँकाे कारोबार भएको छ ।
त्यस्तै, नेप्सेमा रहेका १३ वटै उपसूचक आज राताम्य रहेका छन् । सबैभन्दा बढी आज फाइनान्स समूहको उपसूचक ३.८३ अंकले घटेको छ भने हाइड्रोपावर समूहको उपसूचक ३.३७ प्रतिशतले, इन्भेस्टमेन्ट समूहको उपसूचक ३.१९ प्रतिशतले, डेभलपमेन्ट बैंक समूहको उपसूचक ३.२ प्रतिशतले, ट्रेडिङ समूहको उपसूचक २.६४ प्रतिशतले घटेको छ ।
यस्तै, माइक्रो फाइनान्स समूहको उपसूचक २.४७ प्रतिशतले र म्यानु एण्ड प्रो समूहको उपसूचक २.०६ प्रतिशतले घटेको छ । समग्रमा २.०७ प्रतिशतले घटेको बजारमा आज कुल १ अर्ब २२ लाख ९६ हजार रुपैयाँ बराबरको ३८ लाख ५६ हजार ५३८ कित्ता सेयर कारोबार भएको छ ।
आज कालिका पावरको सेयर मूल्यमा नकरात्मक सर्किट लागेको छ । त्यस्तै, बरुण हाइड्रोपावरको ८.१८, समृद्धि फाइनान्सको ७.९३ र अप्पर सोलु हाइड्रोपावरको ६.५५ प्रतिशतले सेयर मूल्य घटेको छ ।
स्वावलम्बन लघुवित्तको सेयर सबैभन्दा धेरै बढेको छ । लघुवित्तको सेयर हिजोको तुलनामा ३.४४ प्रतिशतले बढेको हाे ।

























