इजरायलमा सरकार गठनका लागि अरब दलहरू विपक्षीसँग वार्तामा
तेस्रो दिन पनि घट्यो सुनको मूल्य, चाँदीको बढ्यो
वि.सं.२०७९ साउन ११ बुधवार ११:५६
9.2K
shares
shares
आज लगातार तेस्राे दिन पनि सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य २०० रुपैयाँले घटेको हाे ।
यससँगै, आज छापावाल सुनको मूल्य प्रतितोला ९४ हजार रुपैयाँ र तेजाबी सुनको मूल्य प्रतितोला ९३ हजार ५०० रुपैयाँ तोकिएको छ । हिजो मंगलबार छापावाल सुनको मूल्य प्रतितोला ९४ हजार २०० रुपैयाँ र तेजाबी सुनको मूल्य प्रतितोला ९३ हजार ७०० रुपैयाँ थियो ।
सोमबार छापावाल सुन प्रतितोला ९४ हजार चार सय रुपैयाँ र तेजाबी सुन प्रतितोला ९३ हजार नौ सय रुपैयाँमा कारोबार भएको थियो । त्यसअघि आइतबार छापावाल सुनकाे प्रतिताेला मूल्य ९४ हजार ५ सय रूपैयाँ थियाे ।
सुनको मूल्य घटे पनि आज चाँदीको मूल्य भने बढेको छ । आज चाँदीको मूल्य प्रतितोला ५ रुपैयाँले बढेर कारोबार सुरू भएको महासंघले जनाएकाे छ । आज चाँदीको मूल्य प्रतितोला ११ सय ५५ रुपैयाँ तोकिएको छ ।
आज अन्तर्राष्ट्रिय बजारमा भने सुन प्रतिऔंस १७ सय १६ अमेरिकी डलरमा कारोबार भइरहेको छ ।
