गृहपृष्ठ द्रौपदी मुर्मुले आज राष्ट्रपतिको सपथ लिँदै
द्रौपदी मुर्मुले आज राष्ट्रपतिको सपथ लिँदै
भारतमा राष्ट्रपति निर्वाचित द्रौपदी मुर्मुले आज पद तथा गोपनीयताको सपथ लिँदैछिन् । मुर्मुले सोमबार बिहान सवा दश बजे एक विशेष समारोहबीच पद तथा गोपनीयताको सपथ लिने कार्यक्रम छ ।
प्रधानन्यायाधीश एनभी रमानाले उनलाई राष्ट्रपतिको पद तथा गोपनियताको सपथ गराउनेछन् । सपथ समारोहअघि निवर्तमान राष्ट्रपति रामनाथ कोविन्द र राष्ट्रपति निर्वाचित मुर्मु एक औपचारिक समारोहमा संसदमा आइपुग्नेछन् ।
६४ वर्षीय मुर्मु भारतको दोस्रो महिला र आदिवासी समुदायको पहिलो राष्ट्रपति हुन् । सन्थाल समुदायकी उनी भारतका १५औँ राष्ट्रपति हुन् ।
प्रकाशित समय : ०८:३८ बजे
