कोशी प्रदेश सरकार निर्णय
नागरिकता विधेयक फिर्ता गर्ने सरकारकाे निर्णय
वि.सं.२०७९ असार २२ बुधवार ००:२७
14.51K
shares
shares
संसदमा विचाराधीन अवस्थामा रहेको नागरिकता विधेयक फिर्ता हुने भएको छ । मंगलबार बसेको मन्त्रिपरिषद्को बैठकले यसअघि संसदमा दर्ता भएको नागरिकता विधेयक फिर्ता लिने निर्णय गरेकाे एक मन्त्रीले बताए । उनका अनुसार सरकारले अर्को विधेयक दर्ता गर्ने निर्णय गरेको हो ।
सरकारले २०७५ सालमा नै नागरिकता विधेयक संसदमा लगेको थियो । चार वर्षअघि संसदमा लगेर पारित हुन नसकेको विधेयक सरकारले फिर्ता लिन लागेको हो । साे विधेयकमा नेपाली पुरुषसँग विवाह गरेर आउने विदेशी महिलालाई तत्कालै नागरिकता दिने वा ७ वर्षपछि दिने भन्ने विषयमा विवाद छ ।
अब सरकारले नयाँ प्रक्रियाबाट अर्को विधेयक अघि बढाउने तयारी गरेको छ ।
