अखिल नेपाल फुटबल संघ (एन्फा)का नवनिर्वाचित कार्यसमितिका पदाधिकारीले बुधबार सपथग्रहण गर्ने भएका छन् । नवनिर्वाचित कार्यसमितिको पद तथा गोपनीयताको सपथ आज साँझ ५ बजे हुने भएको हो ।

सपथपछि नवनिर्वाचित अध्यक्ष पंकजविक्रम नेम्वाङलगायत अन्य पदाधिकारीले कार्यभार सम्हाल्ने तयारी छ । एन्फा नेतृत्वका लागि सोमबार भएको निर्वाचनमा नेम्वाङ अध्यक्षमा विजयी भएका थिए । उनका प्रतिस्पर्धी कर्माछिरिङ शेर्पा ६ मतले हारेका थिए ।

नवनिर्वाचित कमिटिको वरिष्ठ उपाध्यक्षमा बीरबहादुर खड्का, उपाध्यक्षमा दावा लामा, दिपक खतिवडा, विराट जंग शाही र दुर्गा बहादुर केसी छन् । महिला सदस्यमा सरिला श्रेष्ठ र पेमा डोल्मा लामा तथा सदस्यमा मनिष जोशी, अनिल मल्ल, रबिन्द्र चन्द, विकास नारायण श्रेष्ठ, भोजराज शाही, महेन्द्र क्षेत्री, पुरुषोत्तम थापा, रमेश ब्यन्जनकार, मनिराज विष्ट, टिकाराम लामा,  भरत बुढा थापा छन् ।

बाँकी दुई सदस्य भने आगामी एन्फा महाधिवेशनले तय गर्नेछ । महासचिव र कोषाध्यक्ष मनोनित हुनेछन् ।

प्रकाशित समय : १७:४४ बजे