गृहपृष्ठ एसपीपीबारे प्रधानमन्त्रीलाई संसद्मा जबाफ दिनुपर्छ : गगन थापा
एसपीपीबारे प्रधानमन्त्रीलाई संसद्मा जबाफ दिनुपर्छ : गगन थापा
नेपाली कांग्रेसका महामन्त्री एवम् सांसद् गगन थापाले अमेरिकासँग गर्न लागेको भनिएको स्टेट पार्टनरसिप प्रोग्राम (एसपीपी) सम्झौताबारे प्रधानमन्त्रीले संसद्मा जबाफ दिनुपर्ने बताएका छन् ।
बुधबारको प्रतिनिधिसभा बैठकमा बोल्दै थापाले एसपीपीबारे आपत्ति जनाएका हुन् । उनले नेपालको संविधानले यस्तो खाले सम्झौता गर्न छुट नदिने उल्लेख गरे ।
‘नेपाली सेना संलग्न हुने कुनै पनि साझेदारीमा नेपाल सहभागी हुन पाउँदैन र सक्दैन,’ उनले भने,‘नेपाली कांग्रेस र नेपाल यस्ता प्रकृतिको सम्झौतामा सहभागी हुन सक्दैन । प्रधानमन्त्रीले आजै संसद्मा आएर जबाफ दिन सभामुखसँग माग गर्दछु ।’
यस विषयमा समाचारहरु प्रशस्त आएका भन्दै विगतदेखि रक्षामन्त्री सकारात्मक रहेको भिएको पनि सुन्नमा आएकाले सदनमा जबाफ प्रष्ट आउनुपर्ने बताए । प्रधानमन्त्री शेरबहादुर देउवाले नै रक्षा मन्त्रालयको समेत जिम्मेवारी सम्हालेका छन् ।
प्रकाशित समय : १८:०० बजे
