त्रिभुवन अन्तर्राष्ट्रिय विमानस्थलको आन्तरिक उडानतर्फबाट गोलीसहित एक महिला पक्राउ परेकी छन् । आन्तरिक उडानतर्फको प्रस्थानबाट एक राउण्ड गोलीसहित सर्लाहीको हरिपुर नगरपालिका-७ की  ३६ वर्षीया किरणकुमारी सिंह पक्राउ परेकी हुन् ।

उनलाई मंगलबार विमानस्थल प्रहरीले पक्राउ गरेको हो । प्रहरीका अनुसार सिंहले बोकेको ह्याण्ड ब्यागबाट उक्त गोली बरामद भएको हाे । उनी बुद्ध एयरको उडानमार्फत जनकपुर जान लागेकी थिइन् । सो क्रममा एक्सरे मेसिनमा जाँच गर्ने क्रममा उक्त गोली फेला परेको प्रहरीले जनाएको छ ।

उनलाई आवश्यक अनुसन्धान एवं कारबाहीका लागि प्रहरी वृत्त गौशाला पठाइएको अन्तर्राष्ट्रिय विमानस्थल सुरक्षा कार्यालय गौचरले जनाएको छ ।

प्रकाशित समय : १८:१५ बजे