कोलम्बियाको सेनाले पूर्वछापामार समूहको असन्तुष्ट गुट, कोलम्बियाको रिभोलुसनरी आर्म्ड फोर्सेस अफ कोलम्बिया (फार्क)का नेताको हत्या गरेको राष्ट्रपति इभान डुकले सोमबार बताएका छन्  । 

काकाको दक्षिणपश्चिम विभागको ग्रामीण इलाकाको एउटा घरमा अन्य विद्रोहीहरूसँग आफ्नो जन्मदिन मनाइरहँदा, लेइडर जोहानी नोस्क्यु बोटोटो, उर्फ ‘मेइम्बु’ सैन्य गुप्तचरले भेटेका थिए । उनको दाहिने हातमा भएको नामको ट्याटुले पहिचान गरेको डुकले राजधानी बोगोटाको सरकारी मुख्यालयमा भनेका छन् ।
 
‘मेइम्ब अत्यधिक ‘खतरनाक’ मानिन्थ्यो र उनको टाउको मूल्य दुई लाख ५० हजार अमेरिकी डलर सम्मको इनाम थियो । ‘यो निस्सन्देह फार्क असन्तुष्टहरूविरुद्ध गरिएको सबैभन्दा महत्त्वपूर्ण अपरेसनहरूमध्ये एक हो, र हामी अगाडि बढ्न जारी राख्नेछौँ, हामी दुष्टका प्रतीकहरू जहाँ भए पनि खोजिरहनेछौँ।  यो कानुनको विजय हो,“ डुकले भने ।

फार्क छापामार समूह २०१६ मा निःशस्त्र भयो र एक राजनीतिक दलमा रूपान्तरण भयो, तर सबै विद्रोहीहरूले समूहको सरकारसँगको शान्ति सम्झौतामा सहमत भएनन् । असहमत भएकाहरूले विद्रोह जारी राखे ।
 

प्रकाशित समय : २२:०८ बजे