पोखरा विमानस्थलमा तेलको ट्यांकर पल्टिएपछि उडान अवरुद्ध बनेको छ । पोखरा विमानस्थलका प्रवक्ता देवराज सुवेदीका अनुसार हवाईजहाजमा तेल भर्न जाँदै गर्दा धावनमार्गमा ट्यांकर पल्टिएको हो ।

अहिले पोखरामा हुने बिहानी उडानहरु अवरुद्ध बनेका सुवेदीले जानकारी दिए । विमानस्थलमा तेल पोखिए पनि आगो भने लाग्न पाएकाे छैन । क्रेनले पल्टेको ट्यांकर उठाउने र तेल पोखिएको स्थानमा सफा गर्ने काम चलिरहेकाे छ ।

विमानस्थलमा दमकलसहित इमर्जेन्सी अपरेशन तयारी अवस्थामा राखेर काम भैरहेको पोखरा विमानस्थल कार्यालयले जनाएको छ ।

प्रकाशित समय : १४:३४ बजे