मुक्तिनाथ विकास बैंकका ग्राहकले बुढानिलकण्ठस्थित मेराकी होलिस्टिक वेलनेस रिट्रिटमा विशेष छुट पाउने भएका छन् । बैंकले आफ्ना भिसा डेबिट कार्डवाहक तथा मोबाइल बैंकिङ ग्राहकहरुलाई थप सेवा दिन मेराकी होलिस्टिक वेलनेस रिट्रिटसँग सम्झौता गरेको हो ।

योसँगै बैंकका ग्राहकले मेराकीको विभिन्न सेवामा १५ प्रतिशतसम्म छुट पाउनेछन् । काठमाडौंकाे बूढानिलकण्ठमा निकै शान्त र प्राकृतिक सौन्दर्यकोबीचमा रहेको मेराकी होलिस्टिक वेलनेस रिट्रिटले स्पासम्बन्धी विभिन्न थेरापी पनि प्रदान गर्दै आएको छ ।

डिजिटल कारोबारलाई प्रोत्साहन गर्न यस विकास बैंकको एटीएम कार्ड प्रयोग गरी नेपालभरी रहेको भिसा नेटवर्कमा आवद्ध अन्य जुनसुकै बैंकको एटीएम मेसिनबाट निशुल्क रकम झिक्न सकिने व्यवस्था गरिएकाे छ ।

प्रकाशित समय : १७:२४ बजे