मधेस प्रदेशका मुख्यमन्त्री लालबाबु राउतकी श्रीमती जलेखा खातुन स्थानीय तह निर्वाचनमा पराजित भएकी छन् । जसपाबाट खातुन पर्साको जगरनाथपुर गाउँपालिका उपाध्यक्षमा चुनाव लडेकी थिइन् ।

उपाध्यक्षमा नेपाली कांग्रेसकी बविता सिंह ५५३१ मत ल्याएर विजयी भएकी छन् । ३१२३ मत ल्याएकी खातुन निकटम प्रतिस्पर्धीसमेत बन्न सकिनन् । विजयी सिंहको निकटम प्रतिस्पर्धी नेकपा एमालेकी मिरादेवी कुर्मी ३३४५ मत पाएकी छन् ।

गाउँपालिका अध्यक्षमा समेत त्यहाँ जसपाका उम्मेदवार कृष्णमोहन प्रसाद यादव पराजित भएका हुन् । अध्यक्षमा नेपाली कांग्रेसका श्रीकान्त यादव ५७४९ मत ल्याएर विजयी भएका छन् ।

उनका निकटम प्रतिस्पर्धी नेकपा एमालेका मो. सलिम मंसुर ३९२६ मत ल्याएर पराजित भए । जसपाका यादव मात्र ३४४७ मतमा सीमित बनेका छन् ।

प्रकाशित समय : १६:१७ बजे