बाँकेको नेपालगञ्ज उपमहानगरपालिकाको मेयरमा दोब्बर मतअन्तरसहित नेपाली कांग्रेसका प्रशान्त विष्ट निर्वाचित भएका छन् । उपमेयरमा भने जसपाका कमरुद्दीन राई विजयी भए । विष्टले २३ हजार ४६० मत पाए भने एमालेका पशुपति दयाल मिश्राले ११ हजार ६७५ मत पाए ।

राप्रपाका उम्मेदवार नन्दलाल वैश्यको पक्षमा ७ हजार ५९८ मत पर्यो । जबकि यहाँ अघिल्लो कार्यकाल राप्रपाले चलाएको थियो । भारी मतका साथ राप्रपाका धवलशमसेर राणाले उपमहानगर चलाएका थिए । तर अहिले निर्वाचनमा राप्रपा तेस्रो स्थानमा खुम्चिएको छ ।

उपमेयरमा जसपाका उम्मेदवार कमरुद्दीन राईले १७ हजार ९५० मतसहित विजयी भएका हुन् । एमाले उम्मेदवार शान्तिदेवी ढकालले १० हजार ९१५ मत पाइन् ।

प्रकाशित समय : १६:५४ बजे