नेकपा एमालेका उपाध्यक्ष एवं पूर्व अर्थमन्त्री विष्णु पौडेलको वडामा एमाले पराजित भएको छ । बुटवल उपमहानगरपालिका-८ को अध्यक्षमा नेकपा एमालेका उम्मेदवारलाई पराजित गर्दै काँग्रेसका यज्ञप्रसाद पंगेनी विजयी भएका छन् ।

एमालेका पूर्वनगर कमिटी अध्यक्ष ज्ञानप्रसाद अर्याललाई ३५ मत अन्तरले पछि पार्दै कांग्रेसका पंगेनी विजयी भएका छन् । यो वडामा २०४९ सालयता पहिलोपटक नेपाली कांग्रेस विजयी भएको हो । ३० बर्षदेखि जित्दै आएको एमाले पहिलोपटक पराजित भएपछि पौडेलमाथिसमेत दबाब परेको छ ।

३ हजार ४३० मत खसेको यो वडा बुटवलका पूर्वनगर प्रमुख एवं प्रदेश सरकारका पूर्वमन्त्री एमाले नेता भोजप्रसाद श्रेष्ठ र एमालेका स्वर्गीय नेता रामनाथ ढकालको पनि वडा हो ।

प्रकाशित समय : १३:४२ बजे