गृहपृष्ठ होटल र्याडिसनमा ३५ भन्दा बढी विश्वविद्यालयको एक्स्पो सुरू
होटल र्याडिसनमा ३५ भन्दा बढी विश्वविद्यालयको एक्स्पो सुरू
काठमाडौंस्थित होटल र्याडिसनमा बृहत शैक्षिक प्रदर्शनी ‘स्टडी इन इन्डिया एक्स्पो’ सुरू भएको छ । शुक्रबारदेखि सुरू भएको दुई दिने (वैशाख २ र ३ गते) शैक्षिक मेलामा भारतका ३५ भन्दा बढी विश्वविद्यालयको उपस्थिति हुने बताइएको छ । अफेयर्स एजुकेशन एन्ड मिडिया प्रालिले आयोजना गरेको यस एक्स्पोमा कुन विषय अध्ययन गर्ने भन्ने दुविधा मेटाउन दुई सयभन्दा बढी कोर्सहरूको बारेमा जानकारी गराइनेछ ।
नेपाली विद्यार्थी र अभिभावकलाई मध्यनजर गर्दै यो एक्स्पो सञ्चालन गरिएको हो। शैक्षिक मेलामा नयाँ पाठ्याक्रम, योग्यता, मापदण्ड, आवेदन प्रक्रिया, शुल्क, नियुक्ति र छात्रवृत्ति विकल्पकाे बारेमा विद्यार्थी तथा अभिभावकलाई जानकारी गराइनेछ ।
भारतका प्रतिष्ठित विश्वविद्यालयका पदाधिकारीसँग प्रत्येक्ष कुराकानी गरी ३५ वटाभन्दा बढी प्रमुख विश्वविद्यालयको जानकारी हासिल गर्न सक्ने गरी शैक्षिक मेलाको आयोजना गरिएको हो ।
प्रकाशित समय : २३:४५ बजे
