नेकपा माओवादी केन्द्रको केन्द्रीय समिति बैठक अपूर्ण केन्द्रीय समितिलाई पूर्णता दिएर सकिने भएको छ । गत शुक्रबारदेखि सुरु भएको बैठक आज केन्द्रीय समितिलाई पूर्णता दिएर सकाउने तयारी गरिएको हो । बैठक आज ११ बजेका लागि तय भएको छ ।

आजको बैठक बस्नुअघि बिहान अध्यक्ष पुष्प कमल दाहाल 'प्रचण्ड'को निवासमा नेताहरूबीच अनौपचारिक छलफल भएको छ । विभिन्न ६ एजेण्डासहित शुक्रबार सुरु बैठक २ दुई दिन स्थगित गरेर सोमबार सक्ने तयारी गरिएको हो । गबैठकमा ६ एजेण्डामा छलफल गर्ने प्रस्ताव गरिएको थियो । जसमा अध्यक्षको तर्फबाट रिर्पोटिङ गर्ने, एमसीसीबारे छलफल गर्ने, संगठनबारे काम गर्ने भनिएको थियो ।

संगठनात्मक काममा केन्द्रीय समितिलाई पूर्णता दिने, पोलिटब्यूरो, स्थायी समिति र पदाधिकारीलाई पूर्णता दिने प्रस्ताव गरिएको थियो । यस्तै, अर्को एजेण्डामा पार्टी नेताको कार्यविभाजन, स्थानीय निर्वाचन तयारीका विषय थिए । गत शुक्रबार अध्यक्ष पुष्पकमल दाहाल 'प्रचण्ड'ले रिर्पोटिङ र नेता नारायणकाजी श्रेष्ठले एमसीसी बारेमा धारणा राखे । अब  सोमबार बस्ने केन्द्रीय समिति बैठकमा अपूर्ण केन्द्रीय समितिलाई पूर्णता दिएर सक्ने तयारी गरिएको छ ।

अब अध्यक्ष प्रचण्ड र नेता नारायणकाजी श्रेष्ठबीच चिसिएको सम्बन्ध समेत सुधार भएको बताएको छ । प्रचण्डले पत्रकार सम्मेलनमा नारायणकाजी श्रेष्ठ पार्टी छोडेर गएपनि हुन्छ भन्ने घुमाउरो भाषामा अभिव्यक्ति दिएको भन्दै उनी चिढिएका थिए । अन्तत: प्रचण्ड र नारायणकाजीबीच पटक-पटक संवाद भएपछि विवाद साम्य भएको छ ।

यस्तै, अब पदाधिकारीसहित स्थायी समिति र पोलिटब्यूरो तत्काल नबनाइने ती नेताले बताए । विधान बमोजिम ३०१ जना केन्द्रीय सदस्य बनाउने भनिएपनि अहिलेसम्म २४६ जना मात्रै बनाइएको छ ।