सांग्रिला डेभलपमेन्ट बैंक लिमिटेडले तिलोत्तमा नगरपालिका, रुपन्देही वडा नं.५ स्थित मणिग्राम शाखा सञ्चालनमा ल्याएको छ । बैंकले बिहीबार सो शाखा सञ्चालनमा ल्याएको हो ।

मणिग्राम शाखा कार्यालय सञ्चालनमा आएसँगै सो क्षेत्रका सर्वसाधारणलाई सहज बैंकिङ सुविधा पुग्ने विश्वास बैंकले लिएको छ । योसँगै सांग्रिला डेभलपमेन्ट बैंकको कुल शाखा संख्या १०२ पुगेको बैंकले जनाइएको छ । सांग्रिला डेभलपमेन्ट बैंकले आफ्ना ग्राहकलाई विभिन्न प्रकारका बैंकिङ सुविधा दिंदै आएकोमा यस शाखाको सञ्चालनबाट यस क्षेत्रका ग्राहकलाई अझ सरल र सहज तरिकाले बैकिङ सेवा लिने वातावरण बनेकोमा बैंक विश्वस्त रहेको छ ।

बैंकले हरेक सम्भावित क्षेत्रमा आफ्ना ग्राहकलाई सेवा उपलब्ध गराउने अभिप्रायले अन्य विभिन्न स्थानहरुमा चाँडै नै थप शाखा कार्यालय सञ्चालन गर्ने योजना बनाएकोसमेत  जानकारी गराएको छ । 

प्रकाशित समय : १३:२८ बजे