सामसुङ नेपालले दसैं तिहारको अवसरमा 'छुटको तरंग, दसैं तिहारमा उमंग' नाम दिइएको योजना सार्वजनिक गरेको छ । उक्त योजनामार्फत सामसुङका टीभी तथा डिजिटल एप्लाएन्सेस खरिदमा आकर्षक छुट प्राप्त गर्न सक्ने कम्पनीले जनाइएको छ ।

ग्राहकले यो योजना अवधिभर सामसुङका टीभी, रेफ्रिजेरेटर, वासिङ मेसिनको खरिदमा अधिकतम ३५ प्रतिशतसम्म छुट प्राप्त गर्न सक्नेछन् । त्यसै गरी निश्चित उपकरणहरुको निःशुल्क जडानको व्यवस्था पनि गरिएको कम्पनीले जानकारी दिएको छ । दसैंको उत्सवको क्रममा आफ्नो घर परिवारको लागि केही नयाँ कुरा जोड्ने इच्छालाई, सामसङको यो समसामयिक ग्राहकमुखी योजनाले सजिलै पूरा गर्न सहयोगी हुने विश्वास लिइएको छ । सामसुङ प्लाजाको आधिकारिक वेभसाइटबाट पनि सामसङका उत्पादनहरु अनलाइन खरिद गर्ने वैकल्पिक सुविधा पनि ग्राहकलाई प्रदान गरिएको छ । सामसङ प्लाजा तथा निश्चित आउटलेटहरुबाट सहज किस्ताबन्दी सुविधा पनि रहेको कम्पनीको दाबी छ ।

कम्पनीद्वारा टीभीमा २ वर्ष (१ वर्ष फूल प्रोडक्ट वारेन्टी र थप १ वर्ष प्यानलमा) को वारेन्टी प्रदान गरेको छ । रेफ्रिजेरेटर तथा एसीको डिआइटि कम्प्रेसरमा १० वर्षको वारेन्टी उपलब्ध गराइएको छ भने त्यसै गरी वासिङ मेसिनको डिआइटी मोटरमा १० वर्षको वारेन्टी रहेको छ । विगत १५ वर्ष देखि सामसङ टीभी ग्लोबल नम्बर १ टीभी हुन सफल भएको कम्पनीले दाबी गरेको छ भने रेफ्रिजरेटरहरु र वाशिङ मेशिनहरुको पनि नेपाली बजारमा राम्रो स्थान ओगट्न सफल भएको छ ।

'छुटको तरंग, दसैं तिहारमा उमंग' यही २०७८ असोज १ गते देखि २०७८ कात्तिक २९ गतेसम्म वा स्टक रहून्जेलसम्मको लागि लागू हुने कम्पनीले जनाएको छ । 'छुटको तरंग दसैं तिहारमा उमंग' सामसुङका आधिकारिक वितरक हिम इलेक्ट्रोनिक्स तथा त्रिवेणी व्यापार मातहतका नेपाल अधिराज्यभर रहेका आधिकारिक विक्रेतामार्फत लागू गरिएको छ ।