शान्ती आत्महत्याको छानबिन गर्न परिवारजनको माग
वि.सं.२०७५ जेठ ४ शुक्रवार १२:५३
shares

पाल्पाः पाल्पा तानसेन नगरपालिका भगवति टोल निवासी ६५ वर्षिया शान्ती दर्नालको आत्महत्याको छानबिन गर्न माइति पक्षले माग गरेका छन् । उनले बैशाख २९ गते पाल्पा राम्दीको पिपलडाँडामा खनीयाको रुखमा झुण्डीएर आत्महत्या गरेको घरपरीवारले जनाएको छ ।
अनुहारमा चोटपटक तथा आखाँ फुटेको, हातमा कोतारीएको र मुखमा ठुलो दाग देखिएको भन्दै आत्महत्या नभएको माईतीपक्षले बताएको छ । घटना लगत्तै जेठ १ गते माईतीपक्षको टोलीले जिल्ला प्रहरी कार्यालय पाल्पामा जाहेरी समेत गरीसकेको छ । माईतिपक्षले महिला हिसांको घटना भएको बताउँदै शब जलाउन हतार गर्नुले आशंकीत भएको भन्दै जाहेरी गरेको बताए ।
परिवारजनले आत्महत्याको खबर पु¥याएपनि माईतीपक्षलाई शब समेत हेर्न नदिईएको मृतकका भाई सन्तोष कुमार नेपाली र तिर्थ बहादुर नेपालीले बताए । स्व. दर्नालाको उचाई भन्दा सानो उचाईको रुखमा झुण्डाईएको मृतकका भाई नेपालीले बताए ।
सत्यतथ्य घटनाको छानबिन गरीनुपर्ने माग गर्दै कोही दोषि भए उम्कन नपाओस भन्दै अनुसन्धान जारी राख्न माग समेत गरेका छन् ।
डिप्रेसनको कारणले आत्महत्या गरेको परिवारजनले बताएको छ । तर मृतक दर्नाललाई कुनै मानसिक तनाव नभएको र कुनै औषधि सेवन नगरेको माईतीपक्षले दाबि गरेको छ ।
मुखभरि घाउ चोट लागेको महिलाले आत्महत्या कसरी गर्न सक्छन भन्ने शंकाको बिषय बनेको छ । अस्पताल घेराभित्र पनि माईती पक्षलाई छिर्न नदिएको र अस्पतालको पछाडिको ढोकाबाट लैजाँदा दोहोरो झडप समेत भएको माईतीपक्षले बताएको छ ।
आत्महत्याको बारेमा छिमेकीहरुलाई थाहा नभएको र परिवारमा ३–४ दिन देखि झगडा भईरहेको छिमेकीहरुले बताए । मृतकका श्रीमान, ३ छोरा र ३ बुहारी छन ।

























