पाेखरा महानगरपालिकाका वरिष्ठ रामाजिक विकास अधिकृत तथा सूचना अधिकारी ओमराज पौडेल वेपत्ता भएका छन् । वेपत्ता भएका पौडेलको खोजी कार्य तिव्र पारिएको छ ।

मर्निङवाक जाने भनेर विहान ५ बजे घरबाट निस्केका पौडेलको अवस्था अझै पत्ता लाग्न सकेको छैन । सबैतीर खोजी कार्य तिव्र पारिएको कास्कीका प्रमुख जिल्ला अधिकारी तारानाथ अधिकारीले न्युजकारोबारलाई बताए ।

पौडेलको खोजी कार्यमा अहिलेसम्म प्रगति भएको छैन । पौडेलले प्रयोग गर्ने २ वटा मोवाइल घरमै छाडेका छन् । उनले ‘घरमा परिवारको लागि केही गर्न सकिन’ भनेर चिट लेखेर छाडेका जनाइएको छ ।

घटना थप रहस्यमय

महानगरपालिकाका प्रमुख मानबहादुर जिसीले  विज्ञप्ति निकालेर पौडेलको खोजी भइरहेकाले सहयोग गरिदिन सबैमा अनुरोध गरेका छन् । प्रमुख जिसीले जारी गरेको विज्ञप्तिमा पोडेलको खोजीका लागि कुनै कसर बाँकी नराख्ने प्रतिबद्धता जनाइएको छ ।

तर, स्थानीय तह कर्मचारी युनीयनले विज्ञप्ती निकालेर आस्थाका आधारमा पौडेलमाथी अनेकन लान्छना र चरित्र हत्या गर्ने जस्ता कार्य विगतमा हुने गरेको भन्दै घटनालाई राजनीतिकरण गर्न खोजेको छ । यसले घटनालाई थप रहस्यमय बनाएको छ ।

प्रकाशित समय : २२:३४ बजे