नयाँं पुस्तालाई अग्रजहरुको सङ्घर्षबारे जानकारी दिनुपर्छः अध्यक्ष बिजुक्छेँ
म्यानमारमा बाढीका कारण डेढ लाख विस्थापित
वि.सं.२०७५ साउन १८ शुक्रवार ०१:११
16.15K
shares
shares
दक्षिणपश्चिमी म्यानमारमा भीषण वर्षापछि आएको बाढीको कारण करिब १ लाख ५० हजार नागरिक विस्थापित भएका छन् । बाढीमा परी १२ व्यक्तिको मृत्यु भइसकेको छ ।
बाढीका कारण बाँधहरुसमेत भत्किने डर रहेको बताइएको छ । मदाउक सहरको बागो क्षेत्रमा बाँध बाँधेको स्थानभन्दा पनि केही इन्च माथिसम्म नै पानीको सतह पुगेपछि स्थानीय नागरिक त्रसित बनेका छन् । बाढीपीडितलाई डुङ्गाबाट खानेकुरा लगिएको उद्धार समूहका प्रमुख लाइनङ मिन आ ओओले एएफपी समाचार समितिलाई बताएका छन् ।
म्यानमारका सरकारी सञ्चारमाध्यमले बिहीबार एक लाख ४८ हजार ३८६ व्यक्तिलार्इ विभिन्न ३२७ वटा शिविरमा राखिएको जनाएका छन् । म्यानमारको एक पत्रिका इलिनामाका अनुसार अझै पनि २८ हजार व्यक्ति बाढी पसेको घरमा बसिरहेका छन् । बाढीका कारण उनीहरुलाई उद्धार गरेर शिविरमा लैजान समस्या परिरहेको पनि अधिकारीहरुले जनाएका छन् ।
