सिटिजन लाइफ इन्स्योरेन्सले ‘विद्यार्थीसँग बिमा’ अभियान सुरु गरेको छ । कम्पनीले संस्थागत सामाजिक उत्तरदायित्वन्तर्गत बिमासम्बन्धी जनचेतना अभिवृद्धिका लागि अभियान सुरु गरेको हो ।

असार २३ गते भृकुटीमण्डपमा एक कार्यक्रम गरी सिटिजन लाइफ इन्स्योरेन्सका ब्रान्ड एम्बेसडर वरिष्ठ हास्य कलाकार मदनकृष्ण श्रेष्ठ र सिटिजन लाइफका प्रमुख कार्यकारी अधिकृत पोषक पौडेलले अभियानको शुभारम्भ गरे ।  कायर्क्रममा प्रमुख कार्यकारी अधिकृत पौडेलले अधिकांश मानिस जीवन बिमा योजना, यसका सुविधा र योगदानबारे अनभिज्ञ रहेकाले विद्यार्थीसँग बिमा कार्यक्रम सञ्चालन गरिएको जानकारी दिए ।

कार्यक्रममार्फत विद्यार्थी स्वयंले बिमाको महत्व बुझ्ने तथा परिवारका सदस्य र अन्य व्यक्तिलार्इ समेत बुझाई समाजमा बिमाबारे जनचेतना फैलाउनमा सहयोग पुग्ने कम्पनीको विश्वास छ । ‘यसबाट विद्यार्थीले बिमा एजेन्ट भई काम गर्न सक्ने, बिमा कम्पनीमै काम गर्न चासो देखाउने तथा बिमासम्बन्धी उच्च अध्ययन गरी बिमा विज्ञसम्म हुनसक्ने सम्भावनाको ढोका खुल्नेमा हामी आशावादी छौं,’ उनले भने । काठमाडौंबाट सुरु गरिएको यो कार्यक्रम विस्तारै देशभरका सरकारी तथा निजी शैक्षिक संस्थासम्म विस्तार गर्ने कम्पनीको लक्ष्य छ ।

प्रकाशित समय : १९:३४ बजे