काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

प्रेमीसँग मिलेर पतिको हत्या

13.23K
shares

 

कैलालीको भजनीकी एक महिलाले प्रेमीसँग मिलेर पतिको हत्या गरेकी छन् । भजनी नगरपालिका-९, भुरुवाकी निर्मला राजीले प्रेमी दिलिप राजीसँग मिलेर पति नन्दु राजीको हत्या गरेको कैलाली प्रहरीले जनाएको छ ।

प्रारम्भिक अनुसन्धानका क्रममा श्रमती निर्मलाले पतिको हत्या गरेको पाइएको इलाका प्रहरी कार्यालय भजनीका प्रमुख राजेन्द्रबहादुर सिँहले जानकारी दिए । अनुसन्धानका लागि प्रहरीले दुवै आरोपितलाई नियन्त्रणमा लिएको उनले बताए ।

मृतक राजी साउन ४ गतेदेखि बेपत्ता थिए । उनको शव घरनजिकैको जंगलमा आइतबार राति खाल्डोभित्र फेलापरेको थियो । शव डोरीले खुट्टा बाँधेर बोरामा राखेको अवस्थामा खाल्डोभित्र भेटिएको प्रहरीले बताएको छ । अनुसन्धानका क्रममा निर्मला र दिलिपबीच लामो समयदेखि प्रेम सम्बन्ध रहेको खुल्न आएको प्रहरीले जनाएको छ ।