कलैया उपमहानगरपालिकाको दोस्रो नगरसभाको तेस्रो दिन आइतबार अधिकांश वडाध्यक्षले सभा बहिष्कार गरेका छन् । नगरप्रमुख राजेशराय यादवले सभालाई व्यवस्थित नगरेको आरोपमा ती वडाध्यक्षले सभा बहिष्कार गरेको उपमहानगरपालिकाका प्रवक्ता विक्रम यादवले जानकारी दिए ।

आर्थिक वर्ष २०७४/७५ को ९१ करोड ९२ लाख रूपैयाँको बजेटको हिसाबकिताब दिन नमानेपछि आफूहरुले नगर परिषद् बहिष्कार गरेको वडा नम्बर ४ का वडाध्यक्ष जटाशंकर सहजनीले बताए । नगरस्तरीय बजेट ११ करोड २२ लाखमा नगरप्रमुख यादवले नेपाली कांग्रेसका कार्यकर्तालाई पाल्ने काम गरेको आरोप वडा नम्बर ३ का वडाध्यक्ष ज्लाउदिन मन्सुरले लगाए ।

पोषण भत्ता, नगरपालिकाको गाडी दुरुपयोग र तेल मनोमानीपूर्ण वितरण गरेको वडाध्यक्षहरूको आरोप छ । नगरप्रमुख यादवले भने विरोध गर्ने अधिकार सभामा उपयोग गर्नुपर्नेमा केही वडाध्यक्षले बिनाकारण सभा छोडेर हिँडेको भन्दै असन्तुष्टि जनाए ।

प्रकाशित समय : २३:५१ बजे