सेञ्चुरी कमर्सियल बैंकले गण्डकी प्रदेशका विभिन्न जिल्लामा आठवटा नयाँ शाखा एक साथ सञ्चालनमा ल्याएको छ । बैंकले कास्कीको बगर, बिरौटा, तालचोक, दुलेगौंडा, भिमाद,कुस्मा, बागलुङ र बेनीमा शाखा कार्यालय सञ्चालनमा ल्याएको हो । सबै आठवटा शाखा कार्यालयको उद्घाटन बैंकका अध्यक्ष राजेशकुमार श्रेष्ठले गरेका छन् ।

गण्डकी प्रदेश कार्यालयको उद्घाटन प्रदेशका आर्थिक मामिला तथा योजनामन्त्री किरण गुरुङ र बैंकका अध्यक्ष श्रेष्ठले गरे । उद्घाटन समारोहमा बैंकका सञ्चालकहरु, प्रमुख कार्यकारी अधिकृत तुलसीराम गौतम, स्थानीय जनप्रतिनिधि, स्थानीय व्यवसायी एवं बैंकका अन्य वरिष्ठ पदाधिकारीको पनि उपस्थिति थियो ।

बैंकले काठमाडौं उपत्यकामा १२ शाखा र ६ वटा एक्स्टेन्सन काउन्टर र उपत्यकाबाहिर ९१ शाखा र २ वटा एक्स्टेन्सन काउन्टर साथै १० वटा शाखारहित बैंकिङ गरी जम्मा एक सय २१ स्थानबाट कारोबार सञ्चालन गरिरहेको छ ।

प्रकाशित समय : १७:२४ बजे