न्यूनतम एक हजारमै टम्बो ब्राण्डका नयाँ मोबाइल खरिद गर्न पाइने भएको छ । न्यूनतम एक हजार रूपैँयादेखि साढे दस हजार रुपैयाँसम्मका मोबाइल पोखरा क्षेत्रको बजारमा उपलब्ध भएको न्यु एस. पी. ईन्टरप्राईजेजका संचालक शिवराज पहारीले बताए ।

हाल पोखरामा छ वटा बार फोन र दुई वटा स्मार्ट फोन उपलब्ध गराइएको पहारीले बताए । बार फोनहरूमा मल्टीमिडिया फिचरका साथ ब्लुटूथ, वायर लेस एफ.एम साथमा कल रेकर्डिङको सुविधा रहेको उनले जनाए । अघिल्लो साता काठमाडौँबाट बिक्री हुन सुरु भएको उक्त ब्राण्डको मोबाइल पोखरा क्षेत्रमा पनि हालैमा आएको हो ।

यस्तै स्मार्ट फोनहरूमा फेश रिक्ग्नेशन, फिगंर प्रिन्ट, फोर जी लगायतका सुविधा रहेको कम्पनीले जनाएको छ । यस ब्राण्डको हरेक फोनमा दुई सय दिनको रिप्लेसमेण्ट वारेन्टी र स्क्रिनमा एक बर्षसम्मको ग्यारेन्टी रहेको संचालक पहारीले बताए । पोखराको लागि आधिकारिक वितरक न्यु एस.पी. ईन्टरप्राईजेजलाई नियुक्त गरिएको छ भने नेपालमा यसको आधिकारिक वितरक शंकराचार्य मोबाइल प्रा.लि. रहेको छ ।

प्रकाशित समय : ००:५१ बजे