उपत्यका सहित देशभरका नदीहरुमा पानीको बहाव बढेको छ । लगातारको वर्षाका कारण नदीहरुमा पानीको सहत बढेको हो । बाढी पूर्वानुमान शाखाका अनुसार कोशी नदी चतरामा जलसतहले सतर्कता तह पार गरेको र खतरा तह पनि पार गर्ने सम्भावना रहेको छ सुनसरी र सप्तरीका नदीतटीय क्षेत्रमा बाढीको जोखिम रहेकाले सर्तकता अपनाउन शाखाले अपिल गरेको छ ।
त्यस्तै, सिन्धुपाल्चोकको बाह्रविसमा पहिरो गएको छ । शाखाले सो क्षेत्रमा रहेको खोला नाला क्षेत्रमा जोखिम रहेकाले सतर्कता अपनाउन भनेको छ ।

त्यस्तै,काठमाडौ उपत्याकाका नदीमा पनि पानीको सहत उच्च भएको छ । बागमती, विष्णुमती, धोविखोला, रुद्रमती लगायतका नदीमा पानीको सहत बढेको हो । बागमाती नदीमा आएको बाढीले जोरपाटीमा एउटा पुल बगाएको छ । काठ्माडौको विभिन्न क्षेत्र डुबानमा परेको छ । काठमाडौको बानेश्वर, कालोपुल, अनामनगर, लगायतका क्षेत्र डुबानमा परेको प्रहरीले जनाएको छ ।

पर्वतको लस्ती खोलामा आएको बाढीका कारण पर्वत लस्तीबजार जोखिममा परेको छ । जलजला गाउँपालिका ७ र ८ को सीमाक्षेत्र लस्तीबजारको जग्गा बाढीले निरन्तर कटान गरिरहेको छ । दुबै वडाका १३१ घर बाढीबाट जोखिममा परेका छन

कालीगण्डकी नदीमा पनि पानीको बहाव उच्च भउको छ । अन्नपूर्ण गाउँपालिका–४ कोप्चेपानीस्थित धवलागिरि आधारभूत विद्यालय कालीगण्डकीले बगाएको छ । कालीगण्डकीले आफ्नो धार नै परिवर्तन गरेको छ । महाकाली नदीमा पनि पानीको बहाव उच्च भएको छ । नदी तटीय क्षेत्रमा जमिन कटान गर्न थालेपछि स्थानीय त्रसित भएका छन् ।