काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

एसिया कप क्रिकेटकोे सुपर फोरमा भारतसँग बंगलादेश पराजित

13.21K
shares

एसिया कप क्रिकेट अन्तर्गत सुपर फोरको पहिलो खेलमा भारतले बंगलादेशलाई ७ विकेटले पराजित गरेको छ । बंगलादेशले ४९.१ ओभरमा अल आउट हुँदै १७३ रन जोडेको थियो । जवाफमा भारतले ३६.२ ओभरमै १७४ रनको विजयी लक्ष्य पूरा गर्यो ।

बंगलादेशले भारतसामु केही सम्हालिएर खेल्न खोजेपनि विकेट झर्ने क्रम रोक्न सकेन । १ सय १ रन बनाउँदा बंगलादेशले ७ विकेट गुमाएको थियो । मेहदी हसनले सर्वाधिक ४२ रन बनाए भने मसरफे मोर्तजाले २६ रन जोडेका थिए । भारतीय बलर हाबी हुने क्रममा रविन्द्र जडेजा एक्लैले ४ विकेट लिए ।

भुवनेश्वर कुमार र जसप्रित बुमराहले तीन–तीन विकेट लिए । भारतका लागि कप्तान रोहित शर्माले नटआउट ८३ रनको योगदान गरे । ओपनर शिखर धवनले ४० रनको योगदान दिए । अम्बाती रायुडुले १३ रन जोडे भने महेन्द्रसिंह धोनीले ३३ रन बनाए । एसिया कपमा भारतले आइतबार पाकिस्तानसँग प्रतिष्पर्धा गर्नेछ ।

समूह चरणको खेलमा भारतले पाकिस्तानलाई आठ विकेटले हराएको थियो ।

पाकिस्तान विजयी
सुपर फोर अन्तर्गतको दोस्रो खेलमा पाकिस्तानले अफगानिस्तानलाई तीन विकेटले पराजित गरेको छ । अफगानिस्तानले पेश गरेको २५८ रनको विजयी लक्ष्य पाकिस्तानले मात्र तीन बल बाँकी रहँदा पूरा गर्यो ।

पाकिस्तानका लागि इमाम उल हकले ८० रनको योगदान दिए । बाबर आजमले ६६ रन बनाए भने शोएब मलिकले ५१ रनको योगदान गरे । अफगानिस्तानका लागि राशिद खानले तीन विकेट लिए पनि हार टार्न सकेनन् । त्यस्तै मुजीब उर रहमानले २ विकेट लिँदा गुलाबदिन नाइबको नाममा एक विकेट रह्यो ।

पहिले ब्याटिङ थरेको अफगानिस्तानले निर्धारित ५० ओभरमा ६ विकेट गुमाउँदै २५७ रन जोडेको थियो । हस्मतुल्लाह साहिदीले ९७ रनको उत्कृष्ट पारी खेले । अस्गर अफगान ६७ रनमा आउट भए भने रहमत साहले ३६ रन जोडे । पाकिस्तानका लागि मोहमद नवाजले तीन तथा सहिन साह अफ्रिदीले २ विकेट लिएका थिए ।

अफगानिस्तानले आइतबार बंगलादेशको सामना गर्नेछ ।