अमेरिकी राष्ट्रपति डनाल्ड ट्रम्पले चिनीयाँ सामानमा थप दुई सय अर्ब डलर बराबरको कर बढाउने घोषणा गरेका छन् ।

करवृद्धि अर्को सातादेखि लागू हुने बताइएको छ । यो सँगै हाते झोलादेखि साइकलका टायरसम्मको मूल्य वृद्धि हुनेछ । ट्रम्पले यसअघि नै ५० अर्ब डलर बराबरका चिनीयाँ सामाग्रीमा २५ प्रतिशतसम्म कर बढाइसकेका छन् ।

चीनले पनि प्रतिशोध स्वरुप केही अमेरिकी सामानमा कर बढाएको छ । चीनले पनि थप ६० अर्ब डलर बराबरका सामानमा कर बढाउने चेतावनी दिइसकेको छ । चीनले प्रतिकार गरे थप दुई सय अर्बभन्दा बढी मूल्य बराबरका सामानमा कर लगाउने ट्रम्पले चेतावनी दिएका छन् ।

प्रकाशित समय : ०२:११ बजे