काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

प्रहरीमाथि नै निगरानी : नागढुंगाका २० प्रहरीको एकसाथ सरुवा

12.64K
shares

प्रहरी प्रभाग नागढुंगाका प्रहरी कर्मचारीले आचरणविपरीत काम गरेको भन्दै एकैपटक जवानदेखि सईसम्म गरी २० जनाको सरुवा गरिएकोे छ । उनीहरुलाई प्रहरी हेडक्वार्टर, आयुक्त कार्यालयलगायतमा तानिएको छ ।

आन्तरिक शुद्धीकरण आवश्यक रहेको भन्दै हरेक प्रहरी कार्यालयको निगरानी सुरु गरेको महानगरीय प्रहरी परिसर काठमाडौंले नागढुंगा प्रभागका प्रहरी निरीक्षकभन्दा तल्लो दर्जाका प्रहरीले आचरणविपरीत काम गर्ने गरेको रिपोर्ट आएपछि सरुवा गरिएको जनाएको छ । नागढुंगामा प्रहरी निरीक्षक केशवराज भट्ट नेतृत्वको टोली खटिएको थियो । भट्टको भने सरुवा गरिएको छैन ।

केही दिन अघिमात्रै कोटेश्वरका प्रहरीहरु घुससहित रंगेहात पक्राउ परेपछि प्रहरीले आन्तरिक निगरानी सुरु गरेको हो । आइजिपी सर्वेन्द्र खनालले काठमाडौंका एसएसपी वसन्त लामालाई प्रहरी कार्यालयको निरीक्षण गर्न निर्देशन दिएका थिए । नियमित निरीक्षण नगर्दा प्रहरीले आचरणविपरीत काम गरेकाले प्रहरी संगठन नै बदनाम हुन पुगेको प्रहरीको भनाइ छ ।