काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

लुम्बिनी बौद्ध विश्वविद्यालयको १४ औं वार्षिकोत्सव

16.93K
shares

राष्ट्रपति विद्या देवी भण्डारीले शन्ति नै समृद्धिको मूल आधार भएको बताएकी छिन् । उनले गौतम बुद्धको सन्देशलाई आत्मसाथ गर्दै अगाडि बढ्नु अहिलेको आवश्यकता रहेको बताईन् । विश्वविद्यालयको १४ औं वार्षिकोत्सव समारोहलाई  लुम्बिनीमा  सम्बोधन गर्दै राष्ट्रपति भण्डारीले बुद्धका विचाहरु जहिले पनि शान्तीको मार्गचित्र भएको उल्लेख गरिन् ।

शान्ति समृद्धिको मूल आधार रहेको भन्दै राष्ट्रपती भण्डारीले करुणा, सद्भाव र मैत्रीको रुपमा रहेका  अग्रदूत बुद्धको उपदेशलाई विश्व शान्तिको भावनमा विकास गर्नुपर्ने खाँचो रहेको बताईन् । बुद्ध र लुम्बिनी विश्वमा दुवै परिचित रहेको भन्दै उनले लुम्बिनी विश्वविद्यालयलार्इ आवश्यकता अनुसार अझ परिस्कृत रुपमा अघि बढ्न आग्रह गरिन् ।

विश्वविद्यालय  शान्तिको ज्ञान छर्ने विश्वस्तरको प्राज्ञिक  थलो बन्नुपर्ने भन्दै उनले सिङ्गा राष्ट्रको विकासमा लुम्बिनी विश्वविद्यालयले परिवर्तित सन्दर्भलाई आत्मसाथ गर्दै समृद्धि नेपालको आकांक्षा पूरा गर्नेमा आसा व्यक्त गरिन् । उनले विश्वविद्यालयले आफ्नो स्थापाना कालदेखि नै लक्षित योजना परिपूर्ती गर्ने बाटोमा अगाडि बढेको बताईन् ।

मुलुकलार्इ समृद्धिको बाटोमा अगाडि बढाउनको लागि लुम्बिनी, तिलौराकोट, रामग्रामलाई चक्रपथको रुपमा विकास गरी अन्य  स्थानहरु जोडेर बुद्ध परिपथको निर्माण गर्नु आवश्यक रहेको उनको भनाई रहेको थियो ।  भैरहवामा निर्माणाधीन गौतम बुद्ध अन्तर्राष्ट्रिय विमानस्थल विदेशी पाहुँनाहरुको स्वागतगमा आतुर रहेको भन्दै उनले विमानस्थल पुर्णरुपमा सञ्चालनमा आएपछि लुम्बिनीको गरिमा झनै बढ्ने आशा व्यक्त गरिन् । लुम्बिनीमा पर्यटकहरुको आगामन,  खोज, अध्ययान, अनुसन्धानको लागि सरकारले पूर्वाधार विकास गर्नेमा ढुक्क हुन आग्रह गरिन् ।

कार्यक्रममा प्रदेश-५ का प्रदेश प्रमुख उमाकान्त झाले लुम्बिनी  रामग्राम, तिलौराकोट लगायतका ऐतिहासिक  क्षेत्रको खोज र अनुसन्धान गर्नमा विश्वविद्यालयको भूमिका महत्पूर्ण हुने बताए । विश्वविद्यालयले बौद्ध धर्मको प्रसार प्रसारमा विशेष योगदान दिने भन्दै यसमा प्रदेश सरकारबाट समेत सहयोग हुने बताए ।

कार्यक्रममा संस्कृती, पर्यटन तथा नागरिक उड्यानमन्त्री रविन्द्र अधिकारीले लुम्बिनीको थप गरिमा बढ्दै गएको  धारणा राखे । उनले लुम्बिनीमा बौद्ध दर्शन मात्रै नभएर, होटल म्यानेजमेन्ट, टुरीजम लगायतका विषयहरु  थपेर थप नयाँ विषयहरु जोड्दै लाने बताए । उनले लुम्बिनी विकास कोषको ५ प्रतिशत आम्दानी विश्वविद्यालयलाई प्रदान गर्ने निर्णय मन्त्रिपरिषद्ले गरेको जानकारी दिए । लुम्बिनीलाई शान्तिको केन्द्रको रुपमा विकास गर्न सरकार लागिरहेको जानकारी दिँदै उनले भने, ‘शान्ती भुमी पवित्र भुमी लुम्बिनीलाई ज्ञानको केन्द्रको रुपमा विकास गरौ । ’