काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

विराटनगरका मेयर पराजुलीद्धारा विकास निर्माणको अनुगमन

13.92K
shares

विराटनगर महानगरले नगरका विभिन्न स्थानमा बनेका कालोपत्रे सडकको अनुगमनलाई तीब्रता दिएको छ । एसियाली विकास बैंकको सहयोगमा चलिरहेको मझौला शहरको एकीकृत शहरी वातावरणीय सुधार परियोजना र क्षेत्रीय शहरी विकास परियोजना अन्तर्गत बनेका सडक, ढल र नालाको विराटनगर महानगर प्रमुख भीम पराजुलीले अनुगमन गरे ।

biratnagar1_newskarobar

अगुगमनमा निस्किएका प्रमुख पराजुलीले समय सीमाभित्रै परियोजना अन्तर्गतका सडकहरु सम्पन्न गर्न निर्देशन दिए । उनले विराटनगरस्थित रोडशेष हुँदै ट्राफिक चोकसम्म बन्दै गरेको झण्डै १ किलोमिटर र धरमबाध रोडमा बनेका ३ किलोमिटर कालोपत्रे सडकहरुको अनुगमन गरेका थिए ।

त्यसक्रममा पराजुलीले स्तरीय सडक बनाउन आफूले सडकको स्तर र नाप अनुरुप काम भए नभएको अनुगमन गरिरहेको जानकारी दिए । परियोजना व्यवस्थापक भरत न्यौपानेले समय सीमाभित्रै परियोजना अन्तरगत परेका सबै सडकहरु कालोपत्रे बनाउने कार्य सकिने बताए । उनले ढल, नाला र सडक निर्माण कार्य द्रुत गतिमा अगाडि बढीरहेको दावी गरे ।

यो पनि पढ्नुहोस् ।

विराटनगर : अव्यवस्थित विकास निर्माणले व्यापार चौपट, व्यापारी भन्छन्- यस्तो बाटो हिँडेर कसरी आउन् ग्राहक !