कांग्रेस महासमिति बैठकमा तनाब, प्रतिवेदन विना बैठक नचल्ने असन्तुष्ट पक्षको अडान
वि.सं.२०७५ पुस ३ मंगलवार १८:१४
shares

काठमाडौंमा जारी नेपाली कांग्रेसको महासमिति बैठकमा मंगलबार तनाव भएको छ । सहमहामन्त्री डा. प्रकाशसरण महत र नुवाकोट जिल्ला सभापति जगदीश्वरनरसिंह केसीबीच विवाद भएपछि बैठकमा तनाब उत्पन्न भएको हो ।
मंगलबारको बैठकमा महासमिति सदस्यहरूले केन्द्रीय समितिबाट विधान पारित नभई छलफल अघि नबढ्ने अडान लिएपछि बैठकमा तनाव उत्पन्न भएको थियो । स्रोतका अनुसार जिल्ला सभापति केसीले बोलीरहेको समयमा सहमहामन्त्री डा. महतले माइक खोस्न खोजेपछि बैठकमा तनाव उत्पन्न भएको थियो ।
महत र केसीबीच विवाद भएपछि सदस्यहरूले हुटिङ गरेका थिए ।
पूर्व निर्धारित कार्यक्रम अनुसार मंगलबार बैठक सम्पन्न हुनुपर्नेमा विधान मस्यौदामा सहमति जुट्न नसक्दा बैठकमा विधान मस्यौदा प्रतिवेदन पेश हुन सकेको छैन ।

























