सेयर बजार १४ अंकले घट्यो, कारोबार रकममा वृद्धि
वि.सं.२०७५ पुस ४ बुधवार ००:०७
shares

सेयर बजार परिसूचक नेप्से मंगलबार १४ अंकले घटेको छ । आइतबार र सोमबार गरी ३४ अंक बढेको बजार मंगलबार अल्पकालीन लगानीकर्ताले नाफा बुक गर्न थालेपछि १४.६१ अंकले ओरालो लागेको हो ।
नेप्से घटे पनि कारोबार रकम भने बढेको छ । मंगलबार १५९ कम्पनीको ५३ करोड २३ लाख रुपैयाँबराबरको १४ लाख ७८ हजार ७२४ कित्ता सेयर किनबेच भएको छ । यो सोमबारको तुलनामा करिब ११ करोड धेरै हो । सोमबार ४२ करोडबराबरको सेयर कारोबार भएको थियो ।
घटेको बजारमा पनि उत्पादनमूलक र अन्य समूह उकालो लागेको छ । समिट माइक्रोफाइनान्सको सेयर मूल्य १० प्रतिशत बढेको छ भने सिभिल लघुवित्त, मिथिला सहयात्रा माइक्रोफाइनान्स लगायत कम्पनीका लगानीकर्ताले कमाएका छन् ।

























