काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

सबरीमाला मन्दिरमा महिला प्रवेश गर्न खोजेपछि झडप

13.76K
shares

भारतको एउटा मन्दिरमा महिला प्रवेश गर्न खोजेपछि बुधबार झडप भएको छ । परम्परागत रूपमा महिलालाई निषेध गरिएको सो मन्दिरमा परम्पराविपरीत प्रवेश गर्न लागेको भन्दै अवरोध भएपछि झडप भएको हो ।

अदालतले महिलालाई मन्दिरमा प्रवेश गर्न केही समय पहिले आदेश दिएको थियो । सोही आदेशको आडमा महिलाहरू मन्दिर प्रवेश गर्न खोजे पनि स्थानीय पुरूषले प्रवेश गर्न नदिएका हुन् । झडप रोक्नका लागि प्रहरीले अश्रुग्याँससमेत प्रहार गरेको छ भने झडपका क्रममा दुवैतर्फका केही घाइते भएका छन् ।

भारतको दक्षिणी क्षेत्रमा पर्ने केरला राज्यमा रहेको सबरीमाला मन्दिरमा महिलाहरूलाई पनि प्रवेश गर्न दिन सर्वोच्च अदालतले गत सेप्टेम्बरमा फैसला गरेको थियो । सो मन्दिरमा रजस्वला हुने उमेर भएका १० देखि ५० वर्षका महिलालाई प्रवेश गर्न नदिइने परम्परा गलत भएको अदालतको ठम्याइ थियो ।

रजस्वला हुँदा अपवित्र हुने मान्यताका कारण महिलाले धार्मिक कार्यमा सहभागी हुन वा मन्दिरमा प्रवेश गर्न हुँदैन भन्ने प्रचलन छ । सो प्रचलनबाट लैंगिक भेदभाव भएको भन्दै मुद्दा परेपछि अदालतबाट मन्दिर प्रवेशमा निषेध गर्न नपाइने फैसला गरेको हो ।

फैसला सुनाउँदै भारतका प्रधानन्यायाधीश दीपक मिश्रले ‘प्रतिष्ठा र परिचयका लागि धर्म’ भएको भन्दै ‘धर्मको अनुसरण गर्ने अधिकार महिला पुरुष दुवैलाई बराबर भएको’ उल्लेख गरेका थिए । तर, मिश्रको नेतृत्वमा बसेको पाँच सदस्यीय संवैधानिक इजलासमा रहेकी एकमात्र महिला न्यायाधीश इन्दु मलहोत्राले भने यस फैसलामा असहमति जनाएकी थिइन् । उनको असहमतिका बाबजुद बहुमतका आधारमा यो फैसला भएको हो । गहिरो धार्मिक भावना भएका विषयमा अदातलले हस्तक्षेप गर्न नहुने र अदालतको हस्तक्षेपले अन्य धार्मिक विषयमा पनि असर पर्नसक्ने मलहोत्राको भनाइ छ ।

सबरीमाला भगवान अयप्पाको मन्दिर हो र उनी ब्रह्मचारी थिइन्, त्यसैले रजस्वला भएका महिलालाई त्यहाँ प्रवेश गर्न दिनुहुँदैन भन्ने मान्यता छ । (रासस)