काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

एफआईपीभी खोप जनकपुरबाट सुरुवात

11.82K
shares

उपप्रधान एवम् स्वास्थ्यमन्त्री उपेन्द्र यादवले एफआईपीभी खोपको जनकपुरबाट सुरुवात गरेका छन । जनकपुरधाममा बिहीबार आयोजित एक समारोहका बीच नेपालमै पहिलो पटक प्रदेश नम्बर २ को अस्थायी राजधानी जनकपुरमा एफआईपीभी खोपको शुभारम्भ गरेका छन ।

पोलियो रोग विरुद्ध थप प्रतिरोधात्मक शक्ति प्रदान गर्नको लागि एफआइपीभी खोप शिशुहरुलाई दिने भएको छ । खोपको शुभारम्भ गर्दै मन्त्री यादवले स्वास्थ्य क्षेत्रलाई गुणस्तर बनाउँदै खोपबाट कुनै पनि बालबालिका बञ्चित हुनु नहुने बताए ।

कार्यक्रममा प्रदेश २ का मुख्यमन्त्री लालबाबु राउतले एफआइपीभी खोपको शुभारम्भ प्रदेश २ बाट भएकोमा खुशी लागेको बताएका छन । उनले जिल्लास्थित स्वास्थ्य कार्यालयहरुलाई निरन्तरता दिनुपर्नेमा जोड दिए । जिल्ला कार्यालयहरु हुँदा प्रदेश सरकारलाई काम गर्न सहज हुने उल्लेख गर्दै उनले जिल्ला जनस्वास्थ्य कार्यालयसहित जिल्लास्तरीय कार्यालयहरुलाई निरन्तरता दिनुपर्ने धारणा व्यक्त गरे।

स्वास्थ्य तथा जनसंख्या मन्त्रालय, स्वास्थ्य सेवा विभाग र परिवार कल्याण महासंघले संयुक्त रुपमा आयोजना गरेको शुभारम्भ समारोहमा प्रदेश नम्बर २ का भौतिक पूर्वाधार विकास मन्त्री जीतेन्द्र सोनल, सामाजिक विकास मन्त्री नवल किशोर साह लगायतले शुभकामना मन्तव्य राखेका थिए ।
।