काठमाण्डु– प्रधानमन्त्री बालेन शाह (बालेन) ले आफू कालो चश्मा लगाएरै प्रतिनिधिसभा बैठकमा उपस्थित हुने...

पुरा पढ्नुहाेस्

global ime bank Long Banner Ad

तनहुँबासीलार्इ पनि बन्दीपुर केबलकारको सेयर

19.59K
shares

बन्दीपुरमा निर्माणाधीन केबलकारको सेयर तनहुँवासीले पनि पाउने भएका छन् । सेयर खरिदका लागि जिल्लाका अन्यत्र ठाउँका सर्वसाधारणले समेत चासो देखाएकाले बिक्री गर्न लागिएको बन्दीपुर केबलकार प्रालिले जनाएको छ ।

कम्पनीले बन्दीपुरबासीलार्इ मात्र लक्षित गरी सेयर खुला गरेकोमा कात्तिक २५ गतेदेखि सम्पूर्ण तनहुँबासीका लागि खुला गरिएको जनाएको छ । बन्दीपुरबाट मात्रै ११ करोड २० लाख उठ्न सम्भव नदेखिएपछि कम्पनीले समग्र तनहुँवासीलाई सेयर बेच्न लागेको हो । तनहुँबासीले मंसिर २५ गतेसम्म सेयर खरिद गर्न सक्नेछन् ।

कम्पनीले केबलकारमा स्थानीयका लागि ११ करोड २० लाखको सेयर छुट्याएको छ । बन्दीपुरका ६० जनाले केबलकारका लागि सेयरको फाराम भरिसकेका छन् ।

कम्पनीले १०० रूपैयाँका दरले ११ लाख २० हजार कित्ता प्रवर्धक सेयर सर्वसाधारणका लागि खुला गरेको छ । कम्पनीले बन्दीपुर आसपासका जनतालाई सात हजार ५०० तिरेपछि १० वर्षसम्म केबलकारको सेवा प्रदान गर्ने घोषणासमेत गरेको छ ।

पृथ्वी राजमार्गको बन्दीपुर गाउँपालिका–४, ठूल्ढुंगास्वाँराबाट बरालथोकसम्म जोडिने केबलकारबाट घण्टामा २०० जनाले वारपार गर्न सक्नेछन् । डुम्रे बजारदेखि बन्दीपुर पुग्न सात किमी उकालो दूरी बसमा करिब २० मिनेट लाग्छ । केबलकार निर्माण भएपछि नौ मिनेटमा बन्दीपुर पुगिनेछ ।

५६ करोड लागतमा निर्माण हुने केबलकारमा दुई सामान बोक्नेसहित १७ वटा कार रहनेछन् । करिब १५ महिनामा निर्माण सक्ने लक्ष्य राखिएको केबलकार सिद्धगुफाको छेउ हुँदै बन्दीपुरको उचाइसम्म पुग्नेछ ।